شهید اولوب حسن المُجتبی مسلمانلار #حسنیه_مضطر_اردبیلی

شهادت حضرت امام حسن(ع)
.
✍️ زبدة الاشعار ✍️
.
🆔: @nohe_torki
.
مرحوم مضطر اردبیلی
.
شهید اولوب حسن المُجتبی مسلمانلار
گیوبدی قاره تمام انبیا مسلمانلار
.
آچوبدی باشینی معناده ختم پیغمبر
ایدر ئوز اوغلینا آه و نوا مسلمانلار
.
گلوب بو غمده فغانه توکر گوزیندن یاش
آتاسی شیر خدا، مرتضا مسلمانلار
.
آناسی حضرت زهرا ائدر فغان آغلار
گیوب غمیله لباس قرا مسلمانلار
.
ایلیکه اوخلادی عدوان حسن جنازه سینی
ائشیتدی زینب بخت قرا مسلمانلار
.
سارالدی رنگی دلی دوشدی اضطرابه دیدی
گورونمیوب بیله ظلم و جفا مسلمانلار
.
نجه جنازه که تابوت ایچینده اوخلانسون
ائدردی متّصل آه و نوا مسلمانلار
.
آمان او وقتی ائشیتدی دگوب جنازه سینه
ستمله یدّی یارا برملا مسلمانلار
.
ووراردی باشینه آغلاردی ساکت اولمازدی
دیردی وا حسن المجتبا مسلمانلار
.
نه وقته چیخدی یادیندان بو غملی محنتلر
او وقتی کرب و بلا ایچره یا مسلمانلار
.
گذاری قتلگه ایچره دوشوب به ناله و آه
نه گوردی اوندا که میدان آرا مسلمانلار
.
چو لاله قانیله گلزار اولوبدی کرب و بلا
جنازه لر دوزولوب یان یانا مسلمانلار
.
حسین جنازه سینی آختاروب تاپوب او زمان
یارالی باشی بدندن جدا مسلمانلار
.
قالوبدی گون قباقیندا او جسم صد چاکی
یارالی سینه ده دورت مین یارا مسلمانلار
.
.
#حسنیه_شهادت
#شهید_اولوب_حسن_المجتبی_مسلمانلار
#مضطر_اردبیلی
#ترکی
.
✍️ #زبدةالاشعار ✍️
.
🆔: @nohe_torki