تنور خولی
.
✍️ #زبدةالاشعار ✍️
.
🆔: @nohe_torki
.
حسنی تبریزی
.
شه کوللر اوسته یاتماز اوغول بستر اولماسا
قاندان باشیندا تاجی اولار افسر اولماسا
.
.
دوزدور اوغول که آئینه دن زنگی کول سیلر
دلدن غبار محنتی لیک اهل دل سیلر
سن یوز گوزون کولون دئنه زهرایه سیل سیلر
زلف سپیدله بالا مشک تر اولماسا
.
.
بلبل یارالی اولسا دورانماز بوداقیده
گل سایه سینده راحت اولار بو سیاقیده
باقماق چتیندی شاهه محقّر اطاقیده
مغلوب اولوب باشندا اگر لشگر اولماسا
.
.
کول خشک بند ایدر یارانی ملحم اولماسا
اشکیم یووار یوزون کولونی زمزم اولماسا
قانی چتیندی پاک ایله ماقلوق نم اولماسا
یاره دوشر اذیّته اوّل تر اوّل اولماسا
.
.
اشکیله یاره سین باشوین من نم ایلرم
بو گل جمالیوه توکرم شبنم ایلرم
بو قامت خمیده می آرتوخ خم ایلرم
آلّام قوجاقیمه باشوی مضطر اولماسا
.
.
گیتدی قرار فاطمه باشون گورن کیمی
مظلوم اولان اولار بالا امّا نه سن کیمی
بلبل فراق گلده سیزیلدار نه سن کیمی
ایتمز هزاره ناله گلی پرپر اولماسا
.
.
دست غمیله ساچلاریمی من داراخلارام
هریاندا باشون اولسا گلوب اوردا یؤخلارام
گر ممکن اولسا باشوی سینمده ساخلارام
کیم اوغلونی عزیز دوتار مادر اولماسا
.
.
زلغوم کیمی خیالی پریشانوام سنون
گلدیم بو تازه منزله مهمانوام سنون
قربان دین اولان بالا قربانوام سنون
اشکیم گواهیدور سوزومه باور اولماسا
.
.
اوز قاتلی ایوینده اولان میهمان بالا
منده سنون قوناقوام ای میزبان بالا
کیم سالدى باشوی بیله بیر حاله جان بالا
محشر اولوبدی ایندی منه محشر اولماسا
.
.
ایکاش اوغول خراب اولا بوعالم خراب
ایتدی سنون غمون آناوین قلبینی کباب
آغ زلفومی گلنده بورا ایلدیم خضاب
قانیله خوش دگولدى بالا احمر اولماسا
.
.
گوردوم یارالی جسموی غمدن اوسانموشام
بجدل گلینجه نعشوین اوسته دایانموشام
بیرظلم ایدوبدی من اودی قانه بویانموشام
کسمزدی بارماقون دیدیم انگشتر اولماسا
.
.
زینب باجون بالالاریوی یاخشی ساخلیوب
زلف پریشی دست غمیله داراخلیوب
گلچین دهر گُللرون امّا ایاخلیوب
کیم قدرینی گُلین بولی گُل پرور اولماسا
.
.
زینب حسین قنادی سنان قوش مثالیدی
ملحم یارالی سینه سینه اشک آلیدی
بیر پر شکم قوشدی قنادی یارالیدی
گل برگینی یغار یارالی شهپر اولماسا
.
.
اولدی اوغول الیم باشما شانه لر کیمی
عشقون سالوب منی چوله دیوانه لر کیمی
یاندیردی محنتون منی پروانه لر کیمی
پروانه شمعه یانماز اگر آذر اولماسا
.
.
اقرار ایدور اؤزی «حسنی» چوخ گناهی وار
غم ایلمز سنون کیمی پشت و پناهی وار
دوز خدمت ایلیور سنه الده گواهی وار
وای حالینه او کیمسه که دوز نوکر اولماسا
.
.
.
.
#تنورخولی_حسنی_تبریزی
#شه_کوللر_اوسته_یاتماز_اوغول_بستر_اولماسا
#ترکی
.
✍️ #زبدةالاشعار ✍️
.
🆔: @nohe_torki
نظر دهید