شیحه سی گلدی عقابون سمت نخلستانیدن #عباسیه_یحیوی_اردبیلی

شهادت حضرت ابوالفضل (ع)
.
✍️ زبدة الاشعار ✍️
.
🆔: @nohe_torki
.
مرحوم یحیوی اردبیلی
.
شیحه سی گلدی عقابون سمت نخلستانیدن
گل سکینه غم یئمه گلدی عمون میدانیدن
.
.
تشنه قیزلاری چاغور تکلیفینه قیل آشنا
العطش گویان سو جامی الده سن اول رهنما
پیشواز ائله عقابی قوللارون سال بوینینا
آل خبر غم سرگذشتین اول نجیب حیوانیدن
.
.
گوردوگون مرکب دگل بو مرکب ای علیاجناب
قانیلن الوان گلور زین و لجامیلن رکاب
بو عقابه ایندی آد قویماق اولور طیر عقاب
گور نئجه بال و پر آچمیش ناوک پیکانیدن
.
.
خیمه گاهه چون یاخونالشدی عقابون شیحه سی
خیمه دن چیخدی سکینه درک ایدنده بو سسی
گوردی بیر آتدور سراسر پیکری قان لخته سی
هیکل اصلی گورونمز پارچا پارچا قانیدن
.
.
قان اولور قلبی اونا کیم سالسا دقتله نظر
تولانوبدور قارنی آلتدا ترسه آسلانمیش یَهَر
قطره قطره یال و کاکل مولریندن قان سوزَر
سو اولور جاری دییر سن دیده ی گریانیدن
.
.
بیر دایان أی کشتی لنگر شکسته بیر دایان
هاردا سن طوفانه دوشدون یاتدی هاردا بادبان
صاحبون غرق اولدی ائله هانسی دریاده بیان
سن قوتاردون بس نئجه سؤیله گوروم طوفانیدن
.
.
تشنه ام تشنه سوسوزلوق در دین أظهار ائلرم
سروریم گتمیش سووا من خیمه ده یول گوزلرم
ای عقابیم سن که بی صاحب گلوبسن نیلرم
یوخ مددکاریم منیم اوندان سوای بیر یانیدن
.
.
ای وفالی آت قاچوبسان بسکه رنجور اولموسان
اوخ دگوب باشدان ایاقه اوخلاریلا دولموسان
دی گوروم امیدیمی هانسی مکاندا سالموسان
تا اونی آگاه أئدوم سرّ دل سوزانیدن
.
.
من داخی سندن عمو ایستمرم یانسامدا سو
خیمیه مشگونده گر سو قویمادی گلسون عدو
سو میسّر اولمادی چکمه خجالت أی عمو
ایلدیم صرف نظر من أئتدیگون پیمانیدن
.
.
#عباسیه_شهادت
#شیحه_سی_گلدی_عقابون_سمت_نخلستانیدن
#ترکی
.
✍️ #زبدةالاشعار ✍️
.
🆔: @nohe_torki