شیعه آغلا بو غمه چون عرش اعلا آغلادی #پیامبراسلام_عدلی_تبریزی

شهادت حضرت خاتم الانبیا(ص)
.
✍️ زبدة الاشعار ✍️
.
🆔: @nohe_torki
.
حاج اصغر فرشچی ( عدلی تبریزی)
.
شیعه آغلا بو غمه چون عرش اعلا آغلادی
غرق ماتم اولدی یثرب شهر بطحا آغلادی
.
یومدی پیغمبر گوزون تا بو جهانه باغلادی
جنت المأواده آدم بیرده حوا آغلادی
.
بو غم ختم رسولان نوحه ائتدی چوخ اثر (1)
غملی نوحه باشلادی طوفان و دریا آغلادی
.
گر خلیل اللهی نمرودون اودی یاندیرمادی
ایله یاندی بو غمه آغلاتدی سارا آغلادی
.
بیر ترنم ساز ایدوب که قانه دوندی رود نیل
بو غم عظماده عمران اوغلی موسی آغلادی
.
فرش اولوب فرش عزا و عرش اولوب ماتم سرا
جان ویرن امواته مریم اوغلی عیسی آغلادی
.
نعش پیغمبر قالوب یرده بیر عده مفسدین
قوردولارگزلینده شورا بولدی مولی آغلادی
.
شورش شورا بیر اود سالدی جهان تا وار یانار
ایتدیلر دینه خیانت چشم بینا آغلادی
.
بو همان شورادی باغلاندی علینون اللری
بیعت اوسته فاطمه هم چشم حورا آغلادی
.
بو همان شورادی منجراولدی ثانی كوچه ده
بیرجسارت ایلیوب اُم اَبیها آغلادی
.
بو همان شورادی باعث یوم عاشورا گونی
ویردیلاراوخ مشگینه باخدی او سقا آغلادی
.
ویردیلار اوچ شعبه اوخ بیرسودامر باتدی قانا
بو مصیبتده نه شیعه اهل دنیا آغلادی
.
شور دوشموش «عدلیا» مجلسده بوی عطر وار
چون یقین بو یرده شركت ایتدی زهرا آغلادی
ــــــــــــــــــــ
(1)نوحه = حضرت نوح علیه السلام
.
.
.
#پیامبراسلام_شهادت
#شیعه_آغلا_بو_غمه_چون_عرش_اعلا_آغلادی
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki