ورود ماه محرم
شجاعت حضرت اباالفضل (ع)
.
✍️ #زبدةالاشعار ✍️
.
🆔: @nohe_torki
.
عباس بلندی
.
شیعه لر قاره گیوب حالی پریشان دولانور
باشلانوب بزم عزا دیده سی گریان دولانور
.
.
هامو ایستور ایده شرکت آقانون ماتمینه
یوز قویا صدقیله سلطان وفا مقدمینه
تا کی تعظیم ذلیلانه ایده پرچمینه
اَل اورکده هاموسی سینه سی سوزان دولانور
.
.
شاه دین ماه محرمده گلوب دشت غمه
سو یولی باغلانوب اول دشتیده اهل حرمه
سالوب اهل حرمی چرخ دنی پیچ و خمه
اوشاق عورت او بیاباندا هراسان دولانور
.
.
بیر طرفده قورولوب خیمة اولاد عبا
دولانور خیمه نین اطرافینی شاه شهدا
بیر طرفده بالاجا قیزلار ایدور آه و نوا
داغلیور قلبینی چون آتش هجران دولانور
.
.
عربستان چولی یای فصلی هوا مثل تنور
گون او گون شدتیله سالموشیدی عالمه نور
دولدورب جو فضانی او زمان شور و نُشور
زینب غمزده با درد فراوان دولانور
.
.
الغرض بیر نئچه گون اولدی بو نوعی سپری
چوخالوب کرب و بلا صحنه سینین غم کدری
یوم عاشورا بلانین آچیلوبدور سحری
خیمه اطرافینی سالار شهیدان دولانور
.
.
کچیرم سوزلری بیر لحظه ایا اهل نظر
یازیلوب صحفة تاریخیده بیر بیله خبر
صحنة کرب و بلاده ویرولوب زنگ خطر
عرصة ماریه ده سو یرینه قان دولانور
.
.
بیر به بیر جام شهادت ایچوب انصار حسین
ابر پاییزه دونوب دیدة خونبار حسین
بیر قالور صود امری بیرده علمدار حسین
بیری گهواره ده اما بیری حیران دولانور
.
.
اصغرین حالی ایدوب قلب علمداری کباب
غصه یوز ویردی او غم پروره بی حدب و حساب
محضر شاهه گلوب ایتدی بو نوعیله خطاب
دیدی مولا باشیما دشت و بیابان دولانور
.
.
داها صبریم توکنوب ای شه فرخنده مآب
قلبیمی تنگه گتیردی غم بی حد رباب
وار نیازی گله اخیامیوه بیر مشک پُر آب
صود امر باشینه بیر شمع فروزان دولانور
.
.
آند ویرّم سنی اللرده ئولن اکبریوه
تشنه لیگدن دوداقی پارچالانان اصغریوه
ایندی ویر رخصت میدانی سو سوز نوکریوه
عرصه ده گور نئجه سقای لب عطشان دولانور
.
.
یوخ سوزوم رخصت میدان آلوب اول محرم راز
دالیسیجان نگران باخدی اونون شاه حجاز
توپراق اوسته آلوب آغوشه دیزین اوتدی بیر آز
جان گیدوب آتش هجرانیده جانان دولانور
.
.
قویدی میدانه قدم حیدر کرار کیمین
مرکب اوسته پر آچوب جعفر طیار کیمین
گه باتور گاه چیخور کوکب سیار کیمین
قلعة خیبری گویا شه مردان دولانور
.
باشدا تاج عربی قولدا نشان یلی وار
کیم باخوب سویلدی به به نه گوزل هیکلی وار
بو اوجا قامته شایسته توانا الی وار
شیر یزدان مثلی فارس شجعان دولانور
.
.
دسته دسته توکولوب شانه سینه ترة تار
کیم باخوب صورت زیبایه اولوب مست و خمار
بیر بیره سویلدیلر کیمدی بو ارزنده وقار
حسنینه غبطه ایدن یوسف کنعان دولانور
.
.
ذات حقین وار عجب بندة زیبنده تری
نه گوزل خلق ایلیوبدور بیله صاحب هنری
یاراشیر صورتینه باشدا یاشیل تاج سری
قورخولی عرصه ده بیر شیر دیل انسان دولانور
.
.
ایاق اوسته دایانوب باخدی بیر آز دور و بره
گه باخور لشگره گاهی دولانور خیمه لره
لشگره فکر ایلمور فکر ایلور تشنه لره
بیلدی جام الده یقین خیمده طفلان دولانور
.
.
حرکت ویردی عقابه مه رخشان عرب
اشبه شیر خدا سرور و سلطان عرب
دیمه عباس دینن فخر شجاعات عرب
صف اعدانی پوزان غیضلی اصلان دولانور
.
.
دوشدی تشویشه او دم لشگر کفّار دنی
منسجم صفلری بی نظم ایلوبدور علنی
ذوالفقاریله یخور هم گیدنی هم گلنی
جنگ صفینی سالوب یادینه هر آن دولانور
.
.
ساق صولی پوزدی بفوری قاباقا ایتدی هجوم
دسته دسته قباقیندا یخیلور لشگر شوم
فکر ایدیر هر ندن آرتوق سووا چوخ واردی لزوم
قلب لشگرده بو فکریله شتابان دولانور
.
.
دشمن دین آراسیندا یارادوب شیون و شور
گویده شمشیری وران وقته یازور آیة نور
تک نه قرآن اونا احسن دیدی تورات و زبور
مه جبیننده اونون آیة قرآن دولانور
.
.
خنجرین ویردیقجا قانه دونور دشت بلا
گاه تکبیر دیور اول مه فرخنده لقا
دالیسیجان نگرانیدی رئیس شهدا
الی قوینوندا او صحرانی ئورگ قان دولانور
.
.
باشدی پیکردی توکور توپراقا چون برگ خزان
شیر نر غیضه گلوب ورمیور اعدایه امان
پیکری پیکرون اوستونده یخور نعره زنان
ضیغم پُر هنر عالم امکان دولانور
.
.
عجبا ام البنین اوغلونا همتا یوخیموش
عرب ایچره بیله بیر ماه دل آرا یوخیموش
قامت سروینه اوخشار قدِ رعنا یوخیموش
بیر تکانلقدا کانّه گول ریحان دولانور
.
.
اورگی چوخ تلسوردی آچیلار راهِ فرات
نه فراتین یولی بلکه آچیلا باب حیات
مشک پُر آبی ویره تشنه لره بلکه نجات
جانب شط فراتی دل سوزان دولانور
.
.
پوزدی القصه صفوف سپهی شیر ژیان
ناگهان سالدی فراته ئوزین اول ماه جنان
بیلدی گوز یولدادی اخیامیده قیزلار نگران
تلّیده زینبیله خسرو خوبان دولانور
.
.
سویی دشمندن آلوب صاحب احسان بالاسی
شیر حق ازلی فاتح میدان بالاسی
گوردی بیر ایش آتاسین ایلدی حیران بالاسی
مشکی چیگنینده دولی نهریده عطشان دولانور
.
.
غیرت هاشمی یوز ویردی او صاحب هنره
خیمه یوللارینی دقتله گتیردی نظره
نیلوم الله دیدی تا دوشمیه مشکیم خطره
یارالی شیر کیمین ساق صولی غرّان دولانور
.
.
فکری اخیامیده یاددان چیخادوبدور اوزونی
راضیدور هدیه ایده مشکینه خاطر گوزونی
دگول انصاف قلم نظمه چکه غم سوزونی
قلبی تشویشیده نیزاری شتابان دولانور
.
.
عرصه بیر لحظه ده تنگ اولدی او کان شرفه
یا علی سسلدی یوز دوتدی دیار نجفه
دیدی امداد ایله عباسیوه چاتسون هدفه
آلوب آغوشه رباب اصغری الآن دولانور
.
.
حیف اولا باخماد ی سقا او زمان ساق صولینا
گوز تکوب مرکبین اوستونده خیام یولینا
غفلتا” خنجر دشمن ساتاشوب ساق صولینا
ساق الی دوشدی صول ال مشکه نگهبان دولانور
.
.
ناگهان دگدی اونون شیشه امیّدی داشا
نیلیر بیر نفرین ساق گوزینه اوخ ساتاشا
یری وار فاطمه جنّتده قرا سالسا باشا
وورماقا نوک جدایه باشین عدوان دولانور
.
.
گلدی سس ایلمه اوغلوم بو قدر آه و فغان
پوزوب احوالیمی حالون منی ایتدون نگران
قالمادی ایندی ننون فاطمه ده تاب و توان
باشدا بیر قاره لچک چوللری ویلان دولانور
.
.
دولانوم باشیوه اوغلوم بیله ناز ایتمه منه
ایدرم بو یارالی سینه نی گهواره سنه
قیل نظر آخر عمرونده بو غرق مُحنه
ائتمگه فاطمه لطفون سنه ارزان دولانور
.
.
شرمیدن آغلاماق اوز ویردی او والا نسبه
جان عالم اولا قربان بیله صاحب ادبه
گیتمدی فاطمه نون سینه سینه بو سببه
بیلدی او سینه ده وار زخم فراوان دولانور
.
.
خامه انصاف ایله یاندیرما منی نار غمه
صبر قیل یازما نه اوز ویردی او صاحب عَلَمه
وصف عباسی «بلندی» بیله چکدی قلمه
دیدی عمریم بویی قلبیمده بو عنوان دولانور
.
.
#عباسیه_شجاعت
#شیعه_لر_قاره_گیوب_حالی_پریشان_دولانور
#ترکی
.
✍️ #زبدةالاشعار ✍️
.
🆔: @nohe_torki
نظر دهید