شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
مرحوم #دلریش
.
شیعه گلون افغانه ایام مصیبتدور
چون ماتم عظمای خاتون قیامتدور
.
.
بو غمده ائدر جاری گوز یاشینی پیغمبر
هر لحظه ائدر ناله اولاد على یكسر
آچمیش باشینی بوگون اول زینب غم پرور
آغلار بو مصیبتده غرق غم و محنتدور
.
.
بولمم او نئجه دلدور قان اولمیا بو غمده
بیر لحظه أو خاتونین گولموب یوزی عالمده
یوز وئردی اونا یوز غم هر لحظه و هر دمده
تاب ایلدی هر ظلمه بولمم بو نه طاقتدور
.
.
چون غسل وئروب مولا صدیقه کبرایه
حسرتله کفن ایلوب انسیه حورایه
گلدی حسنین اول دم دوشدی بو تمنایه
بیرده بیزی آغوشه آل عین محبتدور
.
.
بو وصل بو هجراندان گوزیاشی اولوب توشه
گلدی دل زهراده چون عشق حسین جوشه
قوللارین آچوب آلدی هر ایکی سین آغوشه
ای شیعه تصور قیل گور بیر بو نه حالتدور
.
.
واردور یری بو غمده عالم گله فریاده
دوندی گوگول آلقانه بو محنت عظماده
بیر اوزگه هم آغوشی بو غم سالوری یاده
گور کرب وبلا ایچره نه شور قیامتدور
.
.
فریاد او زماندان کیم اول سرور مظلومان
دوشدی قوری یر اوسته گل جسمی قالوب عریان
ناگه یتیشوب زینب عرض ائتدی سنه قربان
بیر سینه ده بو قدری قارداش نه جراحتدور
.
.
عرض ائتدی سکینه چون اول زینب بی یاره
کشف ایله گیلن عمه بو زار دل افکاره
کیمدور بو بدن دوشمیش یرده بئله صدپاره
گر عمه بابامدور بو آیا بو نه ذلتدور
.
.
عرض ائتدی فغانیله اول بیکس و دلخسته
گل اولما بابا راضی آهی چکم آه اوسته
بیرده بو سکینون آل آغوشیوه آهسته
گر اولماسا بو لطفون بالله منه حسرتدور
.
.
از بسکه ائدوب جاری گوز یاشینی نیسان تک
شدتله چکوب ناله بیر بلبل نالان تک
شاه شهدا چکدی آغوشه اونی جان تک
بولمم بو نه عشقیدور یا بو نه محبتدور
.
.
قویمادی او مظلومه بیر لحظه اولا راحت
آییردی باباسیندان شمر دنی اول ساعت
قول باغلی چکوب شامه گوگلینده قالوب حسرت
اول ظالم کافرده گور بیر نه شقاوتدور
.
.
#سبک_آتدان_یره_چون_دوشدی
#سبک_یاران_چه_غریبانه
.
.
#فاطمیه_شهادت
#شیعه_گلون_افغانه_ایام_مصیبتدور
#ترکی
.
✍️ #زبدةالاشعار ✍️
.
🆔: @nohe_torki
نظر دهید