مدح حضرت معصومه سلام الله علیها
.
✍️ زبدة الاشعار ✍️
.
🆔: @nohe_torki
.
حاج علی پور علی ( جاهد )
.
صاحب عزت شایاندى خانم معصومه
قمدا قرآنه نگهباندی خانم معصومه
فخر ایرانی وایراندی خانم معصومه
خواهرشاه خراساندی خانم معصومه
شیعه نون دردینه درماندی خانم معصومه
.
وارث مکتب قرآندی خانم معصو مه
قمدا قرآنه نگهباندی خانم معصو مه
.
.
.
عشقینون پایه سی قراندی شرف پایه سیدی
علوی مکتبینون عزتی سرما یه سیدی
مذهب شیعه نون عالم بویی آرایه سیدی
حوزه علمیه نون زینتی پیرایه سیدی
سایۀ رحمت حق قمدا اونون سایه سیدی
.
آناسی فاطمه تک گوهر نایابدی بو
علوی مکتبینون گوهر شب تابدی بو
.
.
.
.
.
دختر موسی جعفردی امامت گُهری
هم امامت گُهری همده ولایت گُهری
هم ولایت گُهری همده رسالت گُهری
قاف همت گُهری بحر شرافت گُهری
عفت آئینه سی گنجینۀ عصمت گُهری
.
کنزاحسان گُهری کان کرامت گُهری
کوثرین چشمه سی دریای نجابت گُهری
.
.
.
.
.
.
عاشق ضامن آهودی وفانون گوزودی
سینه سینده آلیشان عشق اودی ایمان کوزودی
خانمون سوزلری گنجینه حکمت سوزودی
یوزه گوزیاشی آخور چون گوزی حسرت گوزودی
روح رفتاری ائله عمه سی زینب ئوزودی
.
زینب عاشقدی ذبیحاً بِقَفا قارداشینا
ائله معصومه ده عاشقدی رضا قارداشینا
.
.
.
.
.
.
بوخانم صاحب اندیشه دی دلبند علی
عمه سی زینبه هم رایدی قول و عملی
چوخ غم ودرده دوزوب عمه سی زینب مثلی
یازدی بیرنامه رضاقارداشی باخط جلی
اوخودی نامه نی موسی قیزی زهرا گوزلی
.
گوزونون یاشی یوزه سیل کیمی اولدی روان
دئدی لبیک رضاجان سنه جانیم قربان
.
.
.
.
.
.
آناسی نجمه دن اذن آلدی او پاکیزه گهر
باغلادی ملک خراسانه خانم بار سفر
ساوه دن ائتدی خانم بار مشقتله گذر
سختی راه ائلدی گرچه او خاتونه اثر
وارداولدی قماخاتون پسندیده سیر
.
قمی یمن قدمی تا که چراغان ائلدی
اهل قمداخانما خدمت شایان ائلدی
.
.
.
.
ولی افسوس اولا غم یردی بو زینب سیری
داغ هجران اورگین داغلادی یاندی جگری
عرشه قوزاندی ئورک شعله سی حسرت شرری
اولدی بیمار ولی اولمادی غملر سپری
جان رضا سسلدی جان وئردی شرافت گهری
.
اولدی شمع غم دلدارینه پروانه خانم
یاندی بال وپری جان ویردی غریبانه خانم
.
.
#حضرت_معصومه_مدح
#حضرت_معصومه_ورود_قم
#صاحب_عزت_شایاندى_خانم_معصومه
#جاهد
#ترکی
.
✍️ #زبدةالاشعار ✍️
.
🆔: @nohe_torki
نظر دهید