ترکیب بند جلالت وشهامت حضرت ابوالفضل
.
✍️ #زبدةالاشعار ✍️
.
🆔: @nohe_torki
.
.
علیرضا عباسی (احسان تبریزی)
.
صاحب کرم وفضل وجلالتدی ابوالفضل
دریای شرف ساحل رحمتدی ابوالفضل
تندیس وفا هیکل غیرتدی ابوالفضل
معنای ادب جان شجاعتدی ابوالفضل
اسطوره ی ایثار و شهامتدی ابوالفضل
بازوی توانای ولایتدی ابوالفضل
عرش شرفین بیر بئله تابان آیی یوخدور
چوخ منصبه صاحبدی ابوالفضل سایی یوخدور
.
.
.
عالم تانیار شهره ی دوراندی ابوالفضل
حق مظهری آئینه عرفاندی ابوالفضل
صولتده مثال شه مرداندی ابوالفضل
حقّین الینه خنجر برّاندی ابوالفضل
عشق اهلینه حشره کیمی جاناندی ابوالفضل
الگوی بصیرت یم ایماندی ابوالفضل
باشدان باشا احساسیدی بو شور وشعفدی
پرورده ی پر غیرت سلطان نجفدی
.
.
.
دنیا گوزی گورمز ائله بیر فرد جوانمرد
مرد اوغلودی مردانه گلیب دهره گئدیب مرد
تایسیز یارانوب یوخدی اونا مثل و هماورد
گورسیدی یوزون دالدالاناردی مه شبگرد
درمانده لری بو قاپو سوندان ائلمز طرد
چون باب الحوائجدی آدی چاره ی هر درد
کیم عاشقی اولسا ائله مز حسّ حقیری
مین عالم اولا گلمیه جاق بیرده نظیری
.
.
.
نازل ائلدی رحمتینی خالق رحمان
چون برج ولایتده چخوب بو مه تاابان
آچدی گوزونی عالمه تا چارم شعبان
گوردی یوزونی مه دولانوب عرشیده حیران
قنداقینی آغوشه آلوبدی شه مردان
آغلار گوزیله اوپدی قولون حجت سبحان
دیوان بلاده یازیلان رازینی گوردی
یا نهر فرات اوسته کی اعجاز ینی گوردی
.
.
.
قویسیدی قدم هر یئره رحمت توکو لردی
سیماسی گوزه ل نور حقیقت توکولردی
آچسیدی لبین درّ فضیلت توکولردی
مژگانینی ووردوقجا جلالت توکولردی
زیبا باخیشینداندا شرافت توکولردی
دامانینی سیلکنده شجاعت توکولردی
بو وصفیله انگشتر عشقین قاشیدیر بو
شاه شهدانین اوجا بوی قارداشیدیر بو
.
.
.
پروانه صفت شمع وفا اوسته یاناردی
طفلیدی حسینین دالسیجا دولاناردی
از بسکه ادبلیدی او شهدن اوتاناردی
آی مثلی گونون دالداسینا دالدالاناردی
هنگام خطر لیک قاباقدا دایاناردی
گورسیدی غمین رنگ ملاله بویاناردی
دعوا گونی رزمنده ی صاحب هنریدی
زهرانین عزیز اوغلونا محکم سپریدی
.
.
.
ائیللردی منی عشقی گرفتار ائلیبدی
لطفی بو کویر دیلی گلزار ائلیبدی
مدح ایلماقا طبعیمی پر بار ائلیبدی
غفلت یوخوسوندان اودی بیدار ائلیبدی
عشقی نه منی،عالمی بیمار ائلیبدی
هر دیلده اولا عشقی یوخی وار ائلیبدی
عالم اونا عاشقدی اودا سرور عشقه
زهرانین عزیز اوغلی حسین رهبر عشقه
.
.
.
قامتده گوزه ل سرو صنوبر سیاقندا
صولتده دئمه حمزه وجعفر سیاقندا
هیبتده دئمه مالک اشتر سیاقندا
الله یارادوب هانسی دلاور سیاقندا
فرزند یداللهیدی؛حیدر سیاقندا
دعوا گونی چون فاتح خیبر سیاقندا
نه حمزه نه مالک نده جعفردی ابوالفضل
مین هنگه علی مثلی برابردی ابوالفضل
.
.
.
یار اولدی رسول اللها چوخ مرد فداکار
شیر عربی حمزه قوی پنجه لی سردار
حیدر کیمی صولتده قوی جعفر طیار
حفظ ائتدی خطردن ولی چوخ حیدر کرار
بیر لشگریدی حیدره ده مالک اولوب یار
یاریدی حسینه فقط عباس علمدار
مین حمزه ومین جعفر ومین مالک اشتر
اولمازدی حسینه گینه عباس دلاور
.
.
.
عاشور بلا گوردی او سردار سرافراز
اردوی ولایتده داخی قالمادی سرباز
اذن ایستدی دعوایه او جان بر کف وجانباز
روحی داریخوب ایستدی تندن اِ ئده پرواز
میدانه اولوب رهسپر اول عاشق ممتاز
حیدر ئوپن اللرده گوروندی او گون اعجاز
مرکب بئلینه چخدی او فرمانده والا
آیریلدی خیمدن دئدی یا حضرت زهرا
.
.
.
تلّ اوسته چخوب عرصه ی پیکاره باخیبدی
انگشتر همت اودم انگشته تاخیبدی
لشگر گهه بیر صاعقه تک تیغی شاخیبدی
نصف ائتدی کیمین باشنه اول تیغی چاخیبدی
سر دسته لری فوری صفوفی بوراخیبدی
کیم قاچدی قوتاردی قالانین قانی آخیبدی
سسلردی من عباسم ایا فرقه ی اشرار
وئرمیش منه درس جدلی حیدر کرار
.
.
.
شاهین ولایت پر آچیب چونکه شکاره
بیر بیر لرینه دگدی پیاده ایله سواره
دوشدی قاچاقاچ نقشه لری گلمدی کاره
آتدی سپرین چوخلاری اوز قویدی فراره
قاچدوقجا چوخی بند زره لر اولی پاره
هر کس یخلور اوز طرفندن یئدی یاره
بیر آندا اوتوز مین نفرین قلبینی سیخدی
هشتاده یاخین پرچمی بیر حمله ده یخدی
.
.
.
قاتدی قاباقا لشگری اول فارس کرار
شیر ایلدی روبه لری اول عرصه ده فرار
نهرین یولینی ا یستر آچا ساقی احرار
قومازدی قاچانی او قوی پنجه لی سردار
گوردی او جماعتتده یوخ قدرت پیکار
جبریل امین سسلدی عباسه الین وار
علت بودی آز عده عدودن تلف اولدی
قاچدی چوخی کیم قالدی قلنجا هدف اولدی
.
.
.
اول لشگر ایچینده واریدی بیر نئچه جاهل
میداندا اوزون فرض ائلدی فرد مقاتل
اوز جانینه مغروریتین ایلدی قاتل
صفوانیله ؛ابن عقبه؛مارد غافل
چکمشدیله هر تک تکی بیر نقشه ی باطل
صفوان دنی اولدی اوسرداره مقابل
بیر نیزه آتوب بیر داش آتیب ائتدی جسارت
بو جرآته خاطر الینی وئردی خسارت
.
.
اَل دوشدی فرار ایلدی دعوادن اوچون کاس (1)
تعقیب اونی ائتمیبدی ولی طیب الانفاس
اِبن عقبه گلدی او بد طینت و خنّاس
سسلندی اونا گلمه سن ای مرد بد احساس
پخته دگیسن چونکه ال آچماز سنه عباس
مردانه لیقین درسینی وئردی دم حسّاس
ئولدورمز علی اوغلی دئدی فرد ضعیفی
من گوزلیرم عرصه ده بیر گوجلی حریفی
.
.
.
غول اموی مارد اودم باشلادی لافه
چوخ لافینه ایلیبدی گزافینده اضافه
بسدیر دئدی قوی تیغ کذائینی غلافه
هذیان دئمه بهتان دئمه سن آل منافه
هیهاتیدی بیر لکّه دوشه گوهر صافه
چک تیغیوی گر وار هنرین اولما کلافه
یوم آغزیوی گوستر گیله فنّ جدلیندن
ایله منه نه گلسه بو میداندا الیندن
.
.
.
بیر چرخ ووروب دور ائدیب اول پاک ضمیری
توز سالدی خسوفه ائله بیل ماه منیری
بیر نیزه آتیب قیلدی هدف سینه ی شیری
دوتدی او همان نیزه نی اول دست قدیری
مات ائتدی آت اوستونده اونی عشق وزیری
دوندردی آتین قاچماقا با حال حقیری
روبه قاچا هیهات قوی شیرین الیندن
اوز نیزه سینین خوار اولوب عکس العملیندن
.
.
.
آندیردی عدویه هنرین مظهر حیدر
ایستیردی قاچا ووردی آتین وارث صفدر
رم ائتدی آتی خلق ائلدی صحنه ی دیگر
آتدان یخیلیب نقش زمین اولدی او کافر
ایستیردی چخارتسین آرادان ماردی لشگر
مرکب گتیریر مارده بیر عده بد اختر
مرکب یئتیشینجه او قاچیب قلبی سخیلدی
اوز نیزه سی دگدی یوزی اوستونده یخیلدی
.
.
.
ماردده ئولوب روحی ائدیب دوزخه هجرت
سر در گم اولوب کوفه لیلر قلبیده وحشت
بیر حمله دوباره ائدیب اول کان شجاعت
ایستیردی آلا نهری او دریای شرافت
سمت چپ لشگردن آچیب معبر او حضرت
آلدی سویی چوخ تشنه ایدی ساقی عترت
سو ایچمدی حسرتده قویوب آب حیاتی
حشره کیمی شرمنده ائدیب نهر فراتی
.
.
.
نفس ایستدی فرصتدی سودان نوش ائله الان
اعلان ائلدی عشق اوتان ایلمه طغیان
عقل ائتدی بیان ایچگیلن ای ساقی عطشان
عشق عقله دئدی باغریمی گل ایلمه آلقان
گلدی دیله وجدان دئدی باخ خیمه ده طفلان
گوزلور یولووی قیل عجله جمله سی نالان
دولدوردی سو مشگین اوزی سو ایچمدی آخر
باخمادی سووا بیرده سوسوز قیزلارا خاطر
.
.
.
حیف اولسون اونون زحمتی آخر هدر اولدی
نخلستان ایچینده دیه بیلمم نلر اولدی
وحشت زده لشگر نیه صاحب ظفر اولدی
آرامین آلان تیریله دورت مین نفر اولدی
سس دوشدی قاچانلار قیدیب حمله ور اولدی
اللر کسیلیب یاره دگیب بی سپر اولدی
آغوشه چکیب مشگی اگیلدی اونون اوسته
فرصت یئتیشیب حرمله ی ظالم وپسته
.
.
.
اوچ پر اوخونون اولینی قویدی کمانه
عنقای شجاعت گوزونی قیلدی نشانه
صیاد دنی صیده ائدیب تیری روانه
دگدی هدفه اهل سما گلدی فغانه
هم آلنینی هم صاغ گوزون اوخ ایلدی خانه
صاغ گوز یاریلیب سول گوزیده غرقیدی قانه
الده یوخودی ردّ ائلیه تیری گوزوندن
ناله اوجالوب گویلره اول دم یئر اوزوندن
.
.
.
حامی اولان انسانه او هنگامیده الدی
اللر یوخودی دیزلری امدادینه گلدی
تیری چکه باشین گه اگیب گاهی دوزلدی
اول لحظه ده بیر اوخدا گلیب مشگینی دلدی
مشگه دگن اوخ بیلدی اونا پیک اجلدی
اخیامه طرف گئتمدی قصد آیری محلدی
دورین آلوب اعدا یارا اوستن یارا ووردی
السیزدی گوروب نوفل عمودی هارا ووردی
.
.
(1)کاس = خوک نر
.
.
#عباسیه_علیرضا_عباسی
#عباسیه_شجاعت
#صاحب_کرم_و_فضل_و_جلالتدی_ابوالفضل
#ترکی
.
✍️ #زبدةالاشعار ✍️
🆔: @nohe_torki
نظر دهید