زبانحال حضرت امام محمد باقر علیه السلام
.
✍️ زبدة الاشعار ✍️
?: @nohe_torki
.
کربلایی رحیم شایان
.
صادقیم درک ایت آتاوی یانمیشام زهر جفادن
گل گوزوم باغلا حبیبیم جان قوتولدی ابتلادن
.
جور اعدائیلن اولدوم من شهید راه قرآن
ایتدیلر مسموم آتاوی سینه سوزان دیده گریان
گل گلن یوللاره قربان باشلا باشیم اوسته قرآن
.
.
.
بو دم آخر اوغول گل ایله قرآنی تلاوت
لحن عرشیوی ایشیتسم ایلرم احساس لذت
آیریلیق هنگامی اوغلوم توکمه گوزدن اشک حسرت
قبریمی اصلا آییرما ئوز آتام زین العبادن
.
جور اعدائیلن اولدوم …
.
.
.
چون منم دشت بلانون یادگار آخرینی
اولموشام بیر عمر اوغول من قانلی میدانون حزینی
یادیمه سالدوقجا صادق جدیمیز مظلوم حسینی
روحیمه ایلور شکنجه صحنه صحنه کربلادن
.
جور اعدائیلن اولدوم …
.
.
.
باقر کل علومم علمیده یوخ حصر و حدیم
منشا علمیم لدنی ارث از آبا و جدیم
شیعه یه سرمایه قویدوم حصن مستحکم دوزتدیم
کیم گیده راه ولینی آیریلا بیلمز ولادن
.
جور اعدائیلن اولدوم …
.
#سبک_ای_ویرن_ویرانه_یرده ( 3 سبک)
.
#باقریه_شهادت
#صادقیم_درک_ایت_آتاوی_یانمیشام_زهر_جفادن
#شایان_ارومیه
#ترکی
.
✍️ #زبدةالاشعار ✍️
?: @nohe_torki
نظر دهید