صادق آل عبا چون ایلیوب رحلت بوگون #صادقیه_رمضانی_خاکی

شهادت امام صادق (ع)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
حاج روح الله رمضانی
.
صادق آل عبا چون ایلیوب رحلت بوگون
دوندروبدی عالمون قلبین قانا محنت بوگون
غم یاغور گویدن یره
آغلارام اول سروره
.
.
نصف شب رازو نیاز ئوستیدی اول مظلوم امام
قویمادیلار لااقل رازو نیاز اولسون تمام
ائتمدی ابن ربیع بی کس امامه احترام
باشه قویمادی عمامه باغلاسین حضرت بوگون
.
.
چون اونا دستور وئردی بیر پلیدو بی حیا
یعنی منصور جفا جو خصم ذات کبریا
قویمادی حتی عمامه باشینه حضرت قویا
ایلرم ابن ربیعه دمبدم لعنت بوگون
.
.
قصر منصوره گجه یاری امام اولدی روان
حضرتین احوالینه آغلوردی گویده قدسیان
گوش جانه ایندیده گویدن گلور صوت فغان
سنده وئر ای شیعه اشک ماتمه رخصت بوگون
.
.
بو غم عظماده ای شیعه ملکلر آغلیور
حضرت خیرالبشر یعنی پیمبر آغلیور
عدنیده یاسه باتوب زهرای اطهر آغلیور
حضرت زهرایه غم خانه اولوب جنت بوگون
.
.
جنت اهلی ایلیولر بو عزاده زمزمه
داشدا اولسا گر اورک تاب ایلیینمز بوغمه
باغلیوبدی باشینه قاره عزالی فاطمه
ایلسون بل سیندیران درده نجه طاقت بوگون
.
.
ختم پیغمبر اولوب زارو پریشان عدنیده
قلبینی تیر مصائب ایلیوب قان عدنیده
اگنینه قاره گیوب ختم رسولان عدنیده
صادقه یاس ساخلیوب پیغمبر رحمت بوگون
.
.
#صادقیه_شهادت
#ترکی
#صادق_آل_عبا_چون_ایلیوب_رحلت_بو_گون
.
✍️ #زبدةالاشعار ✍️
.
🆔: @nohe_torki