میلادیه حضرت زینب سلام الله علیها
.
✍️ زبدة الاشعار ✍️
.
🆔: @nohe_torki
.
محمد هدایت تبریزی
.
صدف فاطمه دن تاپدی ولادت زینب
عالمین زینتینه مایۀ زینت زینب
.
اشرف ماخلقین ناز و شرفلی بالاسی
اولیا زمره سینه تاج شرافت زینب
.
حسنینین باجی سی فاطمه نین سینه گلی
مظهر صلح و صفا کان صداقت زینب
.
عشقی حیران ایلین عشقینه ، عشق آینه سی
اسوۀ مهر و وفا کان محبت زینب
.
معرفت کعبه سنین محرم شوریده سری
محرم سر خفا فاطمه طینت زینب
.
آسمان ادبین جلوه لی تابنده آیی
قهری دوزخ ، کرم و بخششی جنت زینب
.
مفخر کون و مکان فخرالائمه لقبی
صولتی مرتضوی ، فاطمه سیرت زینب
.
حسن شهرتده بونون پایه سینه کیمدی چاتا
مظهر حسنودی سیمای فضیلت زینب
.
ماسوی ده بو عقیله خانمون کیمدی تایی
اسوۀ خیردی تندیس لیاقت زینب
.
سینه گنجینۀ در ادب و گوهر حسن
بخشش و مکرمته ایلین عادت زینب
.
عشق و عرفان و ادب منبرینین باشدا یری
ئورگدن جامعیه درس بلاغت زینب
.
عشقده کیمدی دیدیم سبقت ایده ماخلقه
دیدی آهسته منه پیر طریقت ، زینب
.
دیدیم ایثارده کیمدور اول صفده دورا
دیدی اولده دوروب صاحب شهرت زینب
.
کیم دیدیم صبرده باشدور بشریتده ، دیدی
صبری حیرتده قویان خوش گونه حسرت زینب
.
عهد و پیمانه دیدیم یاخشی وفا کیمدی ایده
دوتوب عالمده وفاده دیدی سبقت زینب
.
.
#زینبیه_هدایت_تبریزی
#زینبیه_میلادیه
#صدف_فاطمه_دن_تاپدی_ولادت_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید