زبانحال حضرت رقیه(س) در قتلگاه کربلا
خطاب به حضرت زینب (س)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم تائب تبریزی
.
.
صد پاره اولوب گور نجه بو گل بدن عمه
یوخ صاف یری بو بدنین بس ندن عمه
.
.
از بس یتیشوب یاره دوشوبدور بیله خسته
نازیله یاتوبدور بوسنق نیزه لر اوسته
جسمینده آچوب قرمزی گل دسته به دسته
بو دشتی ایدوب طرفه صفالی چمن عمه
.
.
گلمز یاراسی سانه زبس یاره سی چوخدور
زخمیله دولوبدور بدنی صاف یری یوخدور
ای وای منه باشدان باشا بو گل بدن اوخدور
باش باشه چاتوب مثل گل یاسمن عمه
.
.
شام اهلى جفادن دیمه ای عمه دویوبلار
گونلر قاباقیندا بابامی عور قویوبلار
شاهانه لباسین ایله وضعیله سویوبلار
قویموبلا اقلاً قالا بیر پیرهن عمه
.
.
ایوای منه یوخدور بابامون باشی بدنده
درده گلورم اوز بابامی بیله گورنده
باخ گوزدن آخان اشگیمه سس ویر منه سنده
هم ناله اولار منله منی هر سُؤوَن عمه
.
.
اوز ظلمونی بو اهل جفا ایلیوب اظهار
یوخ قلبلرینده اولارین رحمدن آثار
گل عمه ایداخ بیز گینه بو دشمنه اصرار
قویسونلا ایداخ بو بدنه بیر کفن عمه
.
.
وار بو یارالی جسمده بیر شرح مفصل
تفسیر اولونور مین غمی بَر صورت مُجمل
ای عمه نه باش وار بو بدنده نه قالور ال
معلوم اولونان ظلم ایلیوب هر یتن عمه
.
.
عمه یوخوموش بس بو جماعتده مروت
بیر جسمه ووروبلار بو قدر کاری جراحت
بوقتلگه عشقی اولوب گلشن حسرت
بنزر گل خندانه بو باشسیز بدن عمه
.
.
گلزار وجودی نجه باخ گور گل آچوبدور
اوخلار ساچیلوب باش دیه سن سنبل آچوبدور
سانسیز یارا جسمینده سزیلدار دیل آچوبدور
سویلر ستم اهل جفانی علن عمه
.
.
بو جسمدن عمه بابامون عطرینی آلام
عطرین آلارام حالینه باخدیقجا سارالّام
بیر شور حسینی بو بلا دشتینه سالّام
شوریله سراسر دولا دشت و دمن عمه
.
.
گر اولسا امان قتلگهینده قالارام من
بو پیکر صدچاکی کناره آلارام من
زلف سیهیله بونا سایه سالارام من
محفوظ اولونا، تابش خورشیددن عمه
.
.
صد پاره دوشوب جسمی قزلقانه باتوبدور
قان ایچره گوزوندن هامی دنیانی آتوبدور
دوشموش یارالار یورقونی نازیله یاتوبدور
خوش دینجلوری بو شه گلگون کفن عمه
.
.
من سوگلیم ائل بولوری شاه حجازه
عادت ویروب اوز سینه سی اوسته منی نازه
سالّام اوزومی سینه سینه ویرسن اجازه
درد دلیمه دل آچارام بیرده من عمه
.
.
کامیمجه ایدوب ناله و شیون دویارام من
صدرینده یوزوم زلفیمی قانه بویارام من
شیرین دلیله دشمنی حیران قویارام من
گورسونله که یوخ من کیمی شیرین سخن عمه
.
.
بو رسمدی بلبل خوش اوخور گل بوداقیندا
قمری گلی داده یخلان سرو ایاقیندا
منده قوی ایدوم ناله بابامین قوجاقیندا
بلکه منی بیر دیندیره شاه زَمَن عمه
.
.
ایستکلی قزام خوش دلیله گوگلومی آلسون
آلسون باشیمی سینه سینه باشیم اوجالسون
اوز ساقلوقی تک قوللارینی بوینوما سالسون
ایتسون منی آزادۀ قید محن عمه
.
.
تائب که یازار نوحه دلیمجه یانار آغلار
پروانۀ شمع غم اولوب قلبینی داغلار
دیباچۀ محنت بابامین نامینه باغلار
هر بیتینه بیر بیت جناندور ثمن عمه
.
.
تائب بو قزین دردی دله چوخ اثر ایلر
آرام آلى دلدن هامونی دیده تر ایلر
بیگانه نی بیر ذکر غمی خونجگر ایلر
یاندی نقدر گور اونا دردین بولن عمه
.
.
#کوچ_کربلا #تائب_تبریزی
#صد_پاره_اولوب_گور_نجه_بو_گل_بدن_عمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید