زبدةالاشعار

صغرایه رحم ائت ایلمه ترک وطن قارداش علی #خروج_مدینه_ذهنی_تبریزی

خروج از مدینه
زبانحال حضرت صغری (س) با حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم #ذهنی_تبریزی
.
صغرایه رحم ائت ایلمه
ترک وطن قارداش علی
ائتمه وطن ملکون منه
بیت الحزن قارداش علی
.
.
سنله عزیز عالمم
اعزاز و شأنیم سن منیم
دلده مسرّت مایه سی
آرام جانیم سن منیم
مشکلدی هجرانین منه
روح و روانیم سن منیم
روحی بدندن ایتمه ای
گل پیرهن قارداش علی
.
.
قربان پریشان زلفووه
رحم ائت پریشان حالیمه
اولما رضا اولسون سبب
هجرانون اشگ آلیمه
من سندن آیریلسام اگر
ایوای منیم احوالیمه
چارم ندور نیلوم گرک
بیچاره من قارداش علی
.
.
ایتمز وفا تجویز علی
مندن علاقه کسمه سن
سالما بو غم دلخونینی
اشگ بصر تک دیده دن
درد اهلیم من ناخوشام
سن سن طبیب ممتحن
یوخدور مریض عشقوون
دردین بولن قارداش علی
.
.
بسدور که بو مزمن مرض
من ناتوانی یاندیرور
بیرده آناسیزلیق اودی
بو جسم و جانی یاندیرور
هجران اودی بیر اوددی گر
دوشسه جهانی یاندیرور
دؤزمَز بو سؤنمَز اودلارا
ناخوش بدن قارداش علی
.
.
سن مایۀ آرامی سن
ای جانِ جانان قلبیمون
بیر الفت مخصوصه سی
وار سنله هر آن قلبیمون
آشفته زلفین تاریدور
تاری پریشان قلبیمون
الدن بو تار اُلفتی
گل اوزمه سن قارداش علی
.
.
هر دم گوزوم آئینه سی
مه صورتوندن عکس آلور
فوراً محبّت قوّه سی
دل لوحینه نقشون سالور
گر غائب اولسان دیده دن
دل لوحه سی عاری قالور
بو صاف مرآتی دوتار
زنگ محن قارداش علی
.
.
یوخسا آناسیزلار گرک
هر بیر نظرده خوار اولا
غم گوشه سین مسکن دوتا
فرقت غمینده زار اولا
مین دردیله دمساز اولوب
بی یار و بی غمخوار اولا
هرگز منیم تک اولمیوب
گوزدن دوشن قارداش علی
.
.
چوخ بی وفادور روزگار
یوخ هرگز عمره اعتبار
گیتسن گلونجه سن اگر
ئولسم من رنجور و زار
کیم نقل ائدر تابوتیمی
بس کیم منی قبره قویار
اولماز مزاریم اوستونه
سن سیز گلن قارداش علی
.
.
مرآت سن پیغمبره
ای مطلع انوار علی
سنله ایشیقلی گونلریم
خوش روزگاریم وار علی
توکمه قرا زلفون یوزه
ائتمه جهانی تار علی
ای نوری ظلمت ظلمتی
نور ایلین قارداش علی
.
.
گویا که ذهنون کور اولوب
#ذهنی دوشوبسن شوقیدن
ضعف بصر فکرون پوزوب
بو نوعیله بی ذوق سن
یا اوزگه باعث وار گوروم
توفیق ویرسون ذوالمنن
اشعار یاز ائت قافیه
من سن وطن قارداش علی
.
.
#سبک_ای_شاه_مظلومان_حسین … 5 سبک
مشابه
.
.
#خروج_مدینه
#حضرت_صغری
#صغرایه_رحم_ائت_ایلمه_ترک_وطن_قارداش_علی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آغلاما منیم غمیمده فاطمه چوخ ایتمه ناله #پیامبراسلام_صحاف_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی