میلادیه حضرت امام حسین (ع)
.
✍️ #زبدةالاشعار ✍️
.
🆔: @nohe_torki
.
.
قیزیل قلم
.
طبعِ سیّاحیم اولوب سِیروسفرمشتری سی
کیم سفرائتسه اولارفتح وظفرمشتری سی
.
.
هرقوش ئوز عشقینه خاطراوخویارنغمه قوشار
بولبولون چشمه ی اُمّیدی گل آچدیقجاداشار
رسمدیر گل تیکانی بولبوله هردن ساتاشار
شاعرین طبعیده هرفصل ده بیرنوعی جوشار
ایسته مزخسته لنه شعروهنر مشتری سی
.
.
شکرِحق عزّتیلن نطق وبیان وئردی منه
علم سرمایه سینه روح جوان وئردی منه
دولت عشقه گؤره طبع روان وئردی منه
عرصه ی شعرده اِذنِ جَوَلان وئردی منه
طوطی طبعیم اولوب قندوشکرمشتری سی
.
.
مرغ روحیم پرآچیب سمت گلستانه گئدیر
مُحرِم اولموش طبع شعریم عربستانه گئدیر
طوطی نطق فصیحیم شکرستانه گئدیر
بئله احساس ائدیرم طفل دبستانه گئدیر
کاش بو معرکه ده اولمیا شر مشتری سی
.
.
گزیرم وادی گلشن ده تاپام بیرگلِ ناز
او طراوت لی گوله بلکه ائدم عرض نیاز
اَلی بوش مشترییم توشه سی آز راه دراز
وئردی توفیقینی روحُ القُدُس اَمرائیلدی یاز
اولدو کؤنلوم ده همان نوگل ترمشتری سی
.
.
باغبان اور دا گلِ نازی نشان وئردی منه
دَر آپار ایگله گولو عطری نهان وئردی منه
ایگله دیم عطرِگولو تاب وتوان وئردی منه
او گولون عطرۍعجب روح وروان وئردۍمنه
مبتداسیز دئدیلر اولما خبر مشتری سی
.
.
بئله فیکرائتمه بو گول طُرفه گلستان گولودور
ربیع الاولین اون یئددیسی شعبان گولودور
ثمرشهررجب فارسِ شجعان گولودور
بوحسین ابن علی جنت ورضوان گولودور
سال نظرجنته گؤر وار نقدر مشتری سی
.
.
آلتی آیلیق گلِ زیبای رسول مدنی
ئوزو بیرحکمت اولوب فکره جوموزدوردو منی
ربیع الاول و شعبانه نظر قیل علنی
آلتی آی فاصله دیر بو ایکی شهره گَلَنی
اولدو منظومیّه ی شمسیّه قمرمشتری سی
.
.
بیرمعمّادی کی هريئرده سالیرشمس اثر
دالیسیجاق یازیلیرشمسه برازنده قمر
جهتِ شمس هارا دؤنسه قمراورداگزر
شهرشعبانی بو شمسیله قمریاخشی بزر
گون هارا گئتسه دالیجاق دا گلرمشتریسی
.
.
گلدی دنیایه حسین حضرت یحیی مثَلی
آلتی آیلیق دی بوشَه شخص مسیحامَثلی
مَرَج الْبَحرده یازمیش حق او زیبا مَثلی
اودو روح الله و ثارالله و طاها مثَلی
سُوقُ الْعُکّاظ دا وار درده دَگر مشتریسی
.
.
دایه سی اولدو اونون حضرت لعیابوگئجه
خوش گلیبسن دئدیلر مریم وسارابوگئجه
آسیه ذِکردئییور گل سپیرحوّا بوگئجه
سئوینیر شاهِ ولا حضرت زهرا بوگئجه
دوداقیندان بوغازیندا کیم اؤپر؟مشتری سی
.
.
بوگئجه قونداقی عرشه گئدینین بایرامی دیر
صبری اَیّوب لره اؤرگه دنین بایرامی دیر
نیزه اوسته باشی معراج ائدنین بایرامی دیر
نوه ی اَطهرِ وَجهُ الحسنین بایرامی دیر
وار یئری بیزده اولاق لعل وگُهرمشتری سی
.
.
قونداقین آلدی اَل اوستون ده خانم کوثردین
گتیریب آد قویا مولا علی اول ماه مبین
ساخلادی مَدّنظرده اودا عالی اَدبین
دئدی بو طفله گرک آد قویا سلطان امین
باغبان یاخشی اولار نخل وثمرمشتری سی
.
.
آلدی آغوشینه جدّی شرف عرش وزمین
ایگله دی اؤپدی معطرگولونو روح متین
آلله اَمر ائیلدی نازل اولا جبریلِ امین
عرض قیلدی بو بالانین آدینی سسله حسین
وارحسینین نئچه مین جنّ وبشرمشتری سی
.
.
گلدی اوچ دسته مَلَک اؤپدو قماطین گئتدی
آلدی مهمانلاری چون آب حیاتین گئتدی
فطرس اؤز شهپرینین آلدی براتین گئتدی
چوخ گرفتار بلا تاپدی نجاتین گئتدی
جنس اعلانی گؤره ائتمزحذرمشتری سی
.
.
یاحسین بیزده سنه جشن ولادت قوردوق
قلب ائوینده سنه بیرشمع ابد یاندیردوق
هیئته زینت ائدیب پرچم شادی ووردوق
صفِ عشقینده دایاندیق سنه خاطردورودق
چون حسین عشقینه قربان دا کسرمشتری سی
.
.
سنیلن قارداشین عباسه ولادت گونودور
هر بیریزده گؤزوموز واردی عنایت گونودور
راضی اول بیزدن آقاایندی رضایت گونودور
اَسْعَداللهُ لَنٰا چون کی سعادت گونودور
سَنی بیرعِدّه بیلیر اَشکِ بصرمشتری سی
.
.
ایلده اؤن گون سنه عشقیله عزاساخلییاریق
دئمه بو اؤن گونو سن دن آقاجان بیزدویاریق
ماه شعبان داکی جشن ولادت قوراریق
نَه دیر علت گئنه ده گؤز دولوسو آغلییاریق
اولموشوق وادیِ عشقون ده سفرمشتری سی
.
.
نه اولار گوشه ی چشمیله نظرائیلییه سن
بیزی اؤز درگهووه عزم سفرائیلییه سن
کربلاده سفرِعشقه اثرائیلییه سن
محفل هیئته لطفیله گذرائیلییه سن
چوخ دی عاشقلرین ایچینده صودامر مشتری سی
.
.
او مزارین باشینا شام وسحر توولاناریق
صود اَمَر اصغرووه شوقیله لایلای چالاریق
اکبرین محنتینی یاده سالاندا یاناریق
قارداشون میرِعلمداروه مهمان اولاریق
او هنرصاحبی دیر بیزده هنرمشتری سی
.
.
گلدی بازارووه«ستاری ده»سوغات آپارا
ایش دوشوب مشکله لطف ائیله قالیبدیرآوارا
کیمه اظهارائله سین درد دلی واردی هارا
قلب مجروحیمه بیرعدّه ووروب گیزلی یارا
اولمیشام گوشه ی چشمینله نظر مشتری سی
.
.
.
#حسینیه_قیزیل_قلم
#حسینیه_میلادیه
#طبع_سیاحیم_اولوب_سیر_و_سفر_مشتری_سی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید