زبدةالاشعار

طبعیمه اولسا اگر رخصت رسول الله دن #پیامبراسلام_هدایت_تبریزی

مدح و میلادیه حضرت پیامبر اعظم صلی الله علیه وآله و سلم
.
.
هدایتی تبریزی
.
طبعیمه اولسا اگر رخصت رسول الله دن
طوطی طبعیم ائدر مدحت رسول الله دن
.
میر لولاکی گتیردی عالمه حیّ جلیل
عالم ناسوت اولا زینت رسول الله دن
.
رحمةً لِلعالمین دور، ساطع اولموش دمبدم
عالمینه شعشع رحمت رسول الله دن
.
طالع اولدی شرق دن ، بت خانه لر اولدی خراب
گل لنیب دور گلشن خلقت رسول الله دن
.
سندی کسری’ کاخ نین طاقی سونوب آتشکده
یتدی طغیان گرلره وحشت رسول الله دن
.
ساوه ده خشک اولدو دریاچه ، دولوب پیمانه لر
مست اولوب هر کیم تاپوب قربت رسول الله دن
.
نعمت عظمای حقدی قدرینه مفتون عقول
ذات حق خلقه قویوب منّت رسول الله دن
.
چهره سندن پرده آچسا گون قالار تحت الشّعاع
دهردن زائل اولار ظلمت رسول الله دن
.
عالم لاهوت ده بیر آیری عالم خلق اولوب
اخذ ائدیب حور و ملک بهجت رسول الله دن
.
انبیایه تاج سر انوار خمسه ارشدی
گورسنوب بیر چشم گیر هیبت رسول الله دن
.
تیر چشمیله شکار ایلوب قلوب اطیبی
فوت اولا حاشا کی بیر فرصت رسول الله دن
.
ساقی معنادی ، هشیار اولسون حاشا حشره تک
کیم آلوب دور بیر قدح شربت رسول الله دن
.
کثرتی وحدتده غرق ائتدی اولوب دور غرق هو
بزم وحدت تاپدی گرمیّت رسول الله دن
.
تار و پود جسم و جانی اولدو عشقیله عجین
عشق ، آلوب دور آدینه قیمت رسول الله دن
.
عالم صدق و امانت ملکونون پیرایه سی
صدق و امنیّت تاپوب مکنت رسول الله دن
.
افسر پاکان کونین انبیانون افضلی
بیردم اولموب آیریلا عصمت رسول الله دن
.
عزّت و شان و جلالی فوق ادراک بشر
آیهء شق القمر آیت رسول الله دن
.
مین ید بیضادن افضل دست مهر و راءفتی
جوش ائدیب عدوانه ده راءفت رسول الله دن
.
وحدهُ دن اولمیوب بیر لحظه ده غافل اولا
وام آلوب دور وارلقین وحدت رسول الله دن
.
طاعت ربّ جلیله عبد ممتاز و مطیع
مطلقا” فوت اولمیوب طاعت رسول الله دن
.
صاحب نفس سلیم ، آلّلانمیان سیم و زره
عزّت آلمش واژهء عزّت رسول الله دن
.
علم و حلم و حکمت و جود و سخانون صاحبی
فیض آلان شام و سحر امّت رسول الله دن
.
صاحب نفس زکیّه ، صادق و پاک و امین
قامت اسلام آلیب قامت رسول الله دن
.
جنّت و حور و قصور و کوثر و شهد و لبن
تک به تک اخذ ایلیوب شهرت رسول الله دن
.
عادتی جود و سخادور ، مکرمت دور ، مهر دور
صلب اولونموب گون کیمی عادت رسول الله دن
.
صاحب خلق عظیم و منطق و گفتاری وحی
مطلقا” باش وئرمییب غفلت رسول الله دن
.
صورتین احسن چکیب صورتگر صنع ازل
نقش اولوب شمس الضّحی’ طلعت رسول الله دن
.
لیل مُظلم زلفودور سالمش حصاره حسنونو
اولماسین بی پرده گل صورت رسول الله دن
.
مظهر ذات خدادور مُظهِر اعجاب او شه
آیت شق القمر حجّت رسول الله دن
.
فعل و گفتاری موافق ، عالم و عامل اولان
خلق اولان تندیس حق ، غایت رسول الله دن
.
قابَ قوسینه گئدن بیر گوز وروم دا فرش دن
گورسنن فوق ملک سرعت رسول الله دن
.
جبرئیلی مات ایدن سیر و سلوک عشقنه
کشف اولان بیر آیری ماهیّت رسول الله دن
.
عرش و فرشی لیل اسراء سیر ائدن محبوبیله
جبرئیله گورسنن سبقت رسول الله دن
.
سرعت برقه ، براقی سرعتی فایق گلن
ذات باری ایلیوب دعوت رسول الله دن
.
بزم عرفان دا اولان محبوبنین هم صحبتی
وصل یاره گورسنن شدّت رسول الله دن
.
مست فیض و مستفیض و کامکار و غرق یار
صلب طاقت ایلیب وصلت رسول الله دن
.
عاجزم وصل عالمندن ، واله ام اول عالمه
بولمورم باش وئردی نه حالت رسول الله دن
.
نه گوروب ، نه میل ائدیب ، یا نه دانشدی یاریله
محرم اولدو هانسی شخصیّت رسول الله دن
.
گلدی پروازه ( هدایت ) روحی ، اوچدی گوی لره
موهبت چون اولدو خوش طینت رسول الله دن
.

متن پیشنهادی:  السّلام ای خسرو مُلک خراسان السّلام #رضویه_مصیبی_تبریزی

#17ربیع #معراجیه
#طبعیمه_اولسا_اگر_رخصت_رسول_الله_دن
#هدایت_تبریزی
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی