طشت جامی حاضر ایلون یاد ائدون شه انامی #ورود_محرم_کاتب_اردبیلی

طشت گذاری
.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
.
طشت جامی حاضر ایلون یاد ائدون شه انامی
دوغرانان ستمله جسمی اول امام تشنه کامی
.
.
شیعه کاش اولیدی اول گون طشت جام کربلاده
غش ائدن زماندا اصغر اول دیار پر بلاده
آل مصطفایه اولدی شدت عطش زیاده
یاندرور بو درد و محنت حشر اولونجا خاص عامی
.
.
کربلاده اهل کوفه چونکه سد آب قیلدی
آل حیدری سوسوزدان یاندروب کباب قیلدی
شاه دین نه قدر محنت چکدی صبر تاب قیلدی
ایلدی قبول او چولده ظلم لشکر ظلامی
.
.
دونمدی فراتی قانه جاری اولدی هر دیاره
قسمت اولمادی حسینه اول غریب دلفکاره
حسرتیله سمت آبه قیلدی هر زمان نظاره
سیزده یاد ائدون همیشه اول امام تشنه کامی
.
.
باغلادی سو صاحبینه سو یولینی اهل کینه
یاندی سوزش عطشدن عترت شه مدینه
العطش دیوب دمادم آغلادی خانم سکینه
بیرجه جرعه سودان اوتری گزدی سربه سر خیامی
.
.
ظلم قوم بیحیادن سولدی گلشن پیمبر
اولدی اوخلارا نشانه حلق شیرخواره اصغر
آغلادی بو ماجرایه عرشده هامی ملکلر
اهل بیت مصطفانون تیره اولدی روز شامی
.
.
بسدی کاتبا تمام ائت سن بو غملی ماجرانی
حشره دین یازیلسا گلمز شرحه ظلم اشقیانی
فرد بیتیله مزیّن ایله مجلس عزانی
اشک چشموی نثار ائت حاصل ایله هر مرامی
.
.
.
.
#ورود_محرم #کاتب_اردبیلی
#طشت_جامی_حاضر_ایلون_یاد_ائدون_شه_انامی
#ترکی
.
✍️ #زبدةالاشعار ✍️
.
🆔: @nohe_torki