زبدةالاشعار

ظاهرده غریبم منی یاد ایتموری بیر کس #کاظمیه_اعظمی_تبریزی

زبانحال حضرت امام کاظم (ع)
.
✍️ #زبدةالاشعار ✍️
.
🆔: @nohe_torki
.
مرحوم اعظمی
.
ظاهرده غریبم منی یاد ایتموری بیر کس
باطنده منه روضه ی رضواندی بو محبس
.
دین اوسته نه غم یتسه بو یرده منه یتسون
قالسون ولی دین، جانیم اگر گیتسه ده گیتسون
.
.
.
وار کُنده ایاقیمده اگر جای اسفدور
امّا آدی زنجیر، اوزی اسباب شرفدور
تیم غمه سینم بو ره حقده هدفدور
قویمام دگه بیر سنگ جفا شیشه ی دینه
قاندان سو ویروب جدّیم حسین ریشه ی دینه
.
.
.
گل وصلی ایدوبدور منی بلبل کیمی مدهوش
زنجیریله اولّام اودی من بیله هم آغوش
عزّتدی بو حالیله ایدم جام اجل نوش
توپراقدا یوزوم، یولدا گوزوم، کُنده ایاقدا
عالم دیسون ای قبری دوشن ائلدن اوزاقدا
.
.
.
درد و محنیله دیمورم خسته دی جانیم
ناخوشدی وجودیم داخی یوخ تاب و توانیم
امّا بودی قلبیمده اولان درد نهانیم
عالمده گوروب کیم وورالار ناخوشا زنجیر
وورمازلا قفس ایچره قانادسیز قوشا زنجیر
.
.
.
گل خاره اسیر اولسا گله گرچه گراندور
ظاهرده او گل خارین الیندِیدی عیاندور
باطنده او بیر گلدی که محبوب جهاندور
البتّه طفِیلیدی اونا عالم امکان
ایتسیدی ایدردی هامی بو عالمی امکان
.
.
.
معبودینه زنداندا او شه ایلوب عبادت
بیر پایه ده عبدیّتینه ایتدی اطاعت
آخِرده قویوب باشینه بیر تاج کرامت
محتاج علاج اولدی اونا جمله معالج
قالدی آدی عالمده اودور باب الحوائج
.
.
.
باخما اونی هارون ایلدی ظلمیله محبوس
بیر شه دی که اولماز قاپوسیندان بیری مایوس
شه لر ایدر حسرت که اولا قبرینه پابوس
علّت اودی بیماریدی جان ویردی پریشان
عالمده اودور که ویرر هر ناخوشا درمان
.
.
.
مشکلده قالاندا اوزی هارون جفاکار
یولّاردی گیدون چاره دیسون دردیمه بیمار
ایلردی ولی الله عنایت اونا زنهار
بیر شه که ایده دشمنیله بیله مدارا
انصافیدی هارون ایلییدی اونا ایذا
.
.
.
#سبک_ای_باد_صبا … 7 سبک
.
.
.
#کاظمیه_شهادت
#ظاهرده_غریبم_منی_یاد_ایتموری_بیر_کس
#اعظمی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  آه و افسوس داخی صوت جلی گلمیه جاق #حیدریه_زرین_قلم

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی