شهادت حضرت امام جعفر صادق (ع)
.
.
.
#سبک_ای_ویرن_ویرانه_یرده … عمه بو ویران سراده …
.
حاج مجید امینی تبریزی
.
.
ظلمیله خاموش اولوندی آلتیمینجی نور ایزد
ایلدی رحلت جهاندان صادق آل محمّد
.
اقتضا ایتدی مشیّت ایتماقا مدفن بقیعی
عالم معناده قبری ایلدی گلشن بقیعی
.
.
.
دفن اولوب خاک بقیعه ویردی جسمی زیب و زینت
وار یری وورسا تمام عالمه طعنه او تربت
چون یاتوبدور اوردا بیله پیشوای ماه طلعت
ایله بیر شهدور ویروبدور زهر اونا منصور مرتد
.
.
چکدی قلب شیعیانه چرخ دون داغ اوسته داغی
اسدی باد درد و محنت، سیندی دینون نخل باغی
سالدی زهرا باشه قاره، سوندی پیغمبر چراغی
دوتدی ظلمت ماسِوانی گوندوز اولدی لیل اسود
.
.
اهل کین گوردی زبسکه ایلیوب تضعیف دینی
خواب غفلتدن اویاتسون فکر ایدوبدی مشرکینی
ایلدی تاسیس مکتب مصطفانین جانشینی
درس اسلامی خلایق یاد ایده ایتدی موکّد
.
.
تازه دن ایتدی او سرور پایه ی اسلامی ترمیم
ایلدی دورت مین مبرّز خلق آرا شاگرد تعلیم
دینی احیا ایتدی جانین ایلدی جانانه تسلیم
رحمسیز امّت الیندن گوردی گرچه ظلم بیحد
.
.
ایلدی تغسیل و تکفین اوز الیله اوغلی موسی
مخزن علم نبینی قبره تاپشوردی او مولا
موج ایدوب گوز کاسه سینده اشک چشمی مثل دریا
جویباره دوندی آخدی اشکیله ایسلاندی مرقد
.
.
شیعه نین باجادی عرشه اوج ایده فریاد و دادی
قبرینی هر کیمسه گورسه قالماز الده اختیاری
گون قباقینده قالوبدور حیف اولا پوزقون مزاری
واردی نه صحن و رواقی، نه طلا ایوان و گنبد
.
.
بوینی چیگنینده گیدنلر صف چکلّر دسته دسته
گوزلرین چون ابر نیسان دولدورالّار دلشکسته
قورخودان بیر کیمسه اصلا قول سالانماز قبری اوسته
زائره چونکه زیارت راهینی دشمن ایدوب سد
.
.
دوزدی بو حجّاجین آرتار حسرتی قبرین گورنده
بو سعادتدور ولیکن دفن اولوب قالدی وطنده
جدّی غربتده ویروب جان تاپمادی زینب کفنده
قالدی اوچ گون یرده باشسیز حجّت خلّاق سرمد
.
.
تاپدی زینب بیر یوز اوسته بیکفن باشسیز جنازه
جوش ایدور مانند چشمه یاره لردن خون تازه
دقّتیله باخدی گوردی اوخشوری شاه حجازه
سسلدی دور ای سرور قلب پاک باب امجد
.
.
ای دونن باد ستمله گلشن عمری خزانه
باغبان باغری قانم من بو پوزقون گلستانه
گلشنونده مثل بلبل قیزلارون باشلار ترانه
بو مصیبتلر ایدوبدور زینب نالانی خم قد
.
.
من #امینی شهرتم ای شهریار مُلک بطحا
درگهونده باخبرسن نوکرم مدّتدی مولا
دلده وار شوق زیارت گر براتین ایتسن اعطا
شکر قیلّام قسمت اولسا کربلا یا اینکه مشهد
.
.
.
.
#صادقیه_شهادت #صادقیه
#ظلمیله_خاموش_اولوندی_آلتیمینجی_نور_ایزد
#مجید_امینی
#ترکی
#زبدةالاشعار
.
نظر دهید