زبانحال حضرت سیدالشهدا (ع)خطاب به خواهرش در مصیبت علی اصغر (ع)
.
✍️ #زبدةالاشعار ✍️
.
🆔: @nohe_torki
.
#سبک_یارالی_جان_یارالی …4 سبک
.
مرحوم تائب تبریزی
.
ظلم اوخی اصغریمی قانه بویاندردی باجی
قان ویروب سو یرینه قلبیمی یاندیردی باجی
.
.
ایله سوز عطشیندن باجی جان یاندی بالام
غنچه تک رنگی سولوب اود دوتوب اودلاندی بالام
الیم اوستونده همین حالیله اوخلاندی بالام
جگریم یاندی منی جانه دایاندیردی باجی
.
.
گر چه یانمیشدی سوسوزلوق اودینا غنچه تریم
زینبیم دلسیزیدی لیک بو نور بصریم
دیمه بولموردی یانور سوز عطشدن جگریم
عاقبت اوز عطشین رمزیله آندیردی باجی
.
.
نظریندن هامونی بو صود امر آتمیشیدی
یوخوسوزلیق بالامی بسکی آغیرلاتمیشیدی
استراحتله قوجاقیمده منیم یاتمیشیدی
قویمادی ناوک دلدوز اویاندیردی باجی
.
.
آشیان اولموشیدی بسکه بونون روحینه تنگ
خوش دگولدی ایلسون ملک وجودینده درنگ
تا هواده پر آچوب سسلنوب اوچ شعبه خدنگ
شُفَعیله گوزونی آچدی دولاندیردی باجی
.
.
چوخ سوَر خیردا اوشاق قرمیزی رنگی بیلدی
اودی اوز میلیجه اوخ دایه سی رفتار ایلدی
بالامی قرمیزی قنداقیله آخر بَله دی
بونی دلخوش منی دلدن یارالاندیردی باجی
.
.
چوخ بیوک نسگیلیله قانه باتوب ئولدی بالام
قالار آغلار آناسی سِچدی بالام بولدی بالام
دوندی لبخندیله باخدی یوزومه گولدی بالام
او باخیشدا بو یانان قلبیمی یاندیردی باجی
.
.
دگه اوچ شعبه اوخ هاردان دوزر آلتی آیلیق اوشاق
بالامین اولسون او احوالی بالالاردان اوزاق
اوخ دگنده ایله بیر هولیله چالدی اَل ایاق
طاقت و صبریمی یکباره تالاندیردی باجی
.
.
بالام اوخلاندی دیمه قلبیمی غمگین ایلدیم
افتخاریله اونی مایۀ تحسین ایلدیم
قانین آتدیم گویه من گویلری رنگین ایلدیم
باشیمی درگه حقّده اوجالاندیردی باجی
.
.
سو خصوصینده چوخ اولموشدی بونون کشمکشی
عطشیندن باجی سولموشدی لب غنچه وشی
ظلم الیله ایچوب اوز قانینی سوندی عطشی
نسگلیله منی جانیمدن اوساندیردی باجی
.
.
ایله بیر حاله سالوبدور بالامی زخم گلو
اوزلیقیندان چیخادوب بیلمز اوزون سهلدی بو
ایسته مز حشره کیمی بو بالا بوندان صورا سو
بالاما ظلم اوخی عطشانلیقی داندیردی باجی
.
.
گل الیمدن آل آپار با خبر اولسون آناسی
فکر ایدور ایندی او بیچاره ایچوب سو بالاسی
بولموری وار بوغازوندا بالامین اوخ یاراسی
جسمیدن روحنی پیکان آرالاندیردی باجی
.
.
ایله حالی بو محندن او غم آواره سینی
ویر قوجاقینه اونون بیرده بو مه پاره سینی
باغلاسین اصغریمین حلقینین اوخ یاره سینی
نجه گورسون بونی اوخ قانه بویاندیردی باجی
.
.
#تائبا اویما بو دنیایه ایترمه اوزیوی
نوحه یازماقلیقا صرف ایت گیجه وی گوندوزیوی
بیرده آغلار گوزیله ذکر ایله اوّل سوزیوی
ظلم اوخی اصغریمی قانه بویاندردی باجی
.
.
#اصغریه_شهادت
#ظلم_اوخ_ اصغریمی_قانه_بویاندردی_باجی
#ترکی
✍️ #زبدةالاشعار ✍️
.
🆔: @nohe_torki
نظر دهید