زبدةالاشعار

عالمده سنون تک گوزلیم یار تاپیلماز #مهدیه_فانی_تبریزی

یا مهدی
.
.
.
#فانی_تبریزی
.
عالمده سنون تک گوزلیم یار تاپیلماز
عاشقلریوه سن کیمی دلدار تاپیلماز
.
درمان ائله سن گوشه چشمیله اگر سن
بو شهرده بیر کس داخی بیمار تاپیلماز
.
آشفته اگر ایلیه سن لشگر زلفون
دنیاده گولوم غیر گرفتار تاپیلماز
.
باشدان ایاقا مهر و وفا، صدق و صفاسن
سن تک گوزلیم آینه کردار تاپیلماز
.
شیریندی زبس صحبتون ای ماه جهاندا
سن شیوه ده بیر صاحب کفتار تاپیلماز
.
ای واعظ بی ذوق دئمه اهل صفاده
تنبور و دف و چنگ و نی و تار تاپیلماز
.
غفلت یوخوسی چولقالیب اهل جهانی
آختارما کی بو عرصه ده بیدار تاپیلماز
.
آشفته ائدر عالمی، افکار پریشان
ایمان اولا گر خلقده ادبار تاپیلماز
.
فانی نه گوزل نظمه چکیب صحبت عشقی
آختارما کی بوندان شیرین اشعار تاپیلماز
.
.
.
#مهدیه
#عالمده_سنون_تک_گوزلیم_یار_تاپیلماز
#ترکی
.
.

متن پیشنهادی:  سحرین سرّی بزیم فاش ائدوب اسراریمزی #مناجات #احسان_بدرخانی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی