زبدةالاشعار

عالمده قِبَل کلمۀ عشقه بولن اولماز #اکبریه_هادی_تبریزی

زبانحال حضرت لیلی (س) در بالین حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
عالمده قِبَل کلمۀ عشقه بولن اولماز
عشق عالمی تک عالم ثانی گورن اولماز
.
.
بلبل نیه گل اوسته ایدر ناله و افغان
پروانه ندن شمع یولوندا اولی سوزان
عشّاق نیه عشقیده قویماز قالا نقصان
امّا نقدر سعی ایده تکمیل ایدن اولماز
عشق عالمینه پای گذار اهرمن اولماز
.
.
دنیای فنا تاپسا حقیقی اگر عاشق
حتماً گوره جاق چوللری حیران گزر عاشق
گوزدن یوزه گوز یاشینی دائم الر عاشق
گوز یاشینه بیر کیمسنه قیمت ویرن اولماز
عشق عالمینون عشقینی دلدن سیلن اولماز
.
.
گوزدن یوزه گوز یاشینی وامق ایدر ایثار
عذرا جمع ایدر دامنه چون لعل گهربار
چون قطره سی عشق عالمینه بحردی زنهار
عشق عالمینون جامینی کامل ایچن اولماز
عشقین بیری تصویر و نگارین چکن اولماز
.
.
مجنون دل صد پاره سی صد پاره ده اولسا
هر یاره ده سانسیز ویریلان یاره ده اولسا
لیلا دولانوب ذرّۀ بیکارده اولسا
هیچ وقتیده مجنونون الیندن گیدن اولماز
هیچ قوّه ولی قوّۀ عشقه یتن اولماز
.
.
لیلا آدینی عشق یازان یازمادی کامل
چون کوچۀ عشقین نچه سین ایلدی زایل
چون لیلی صحرای بلا عشقیدی حایل
علت اودی ناقص اولی کامل گزن اولماز
لیلی کیمی معشوقدن هیچ کیم گچن اولماز
.
.
قربان ویروب اوز دینینه مهپاره نگارین
باخدوقجا اونا یوسف ایدر غبطه که ثارین
توکدی یره اعدا آپاروب صبر و قرارین
دنیاده بیله عشقه ویرن ممتحن اولماز
معشوقین اوزی گولسه نگاری گولن اولماز
.
.
چون لیلی گوروب جسم علی یکسره اوخدور
اول پیکر صد پاره ده بوسه یری یوخ دور
امّا که ویرا بوسه هوس قلبیده چوخ دور
بیر سوز دیدی ایوای ایله غملی سخن اولماز
بوندان صورا لیلی باشی صاق بی فتن اولماز
.
.
یوز قویدی چوله قوّۀ عشقیله دولاندی
امّا یارالی قلبی اونون شامیده یاندی
تا گوردی اوغول باشینی سسلندی اماندی
شام اهلی دییر سن کیمی سرو و سمن اولماز
بو قانه باتان رأسیوه والله ثمن اولماز
.
.
بولمولّه که عشق عالمینی طی ایدرم من
هر یانه باشون گیتسه دالونجا گلرم من
گر یتسه الیم زلفیوه قانین سیلرم من
چون صورتینی توز دوتا بیرجه ثمن اولماز
مه صورتی مستور اولا چوخلی حسن اولماز
.
.
شامین هامی قیزلاری باخار باشیوه اکبر
سویلر بو باشین عطری ایدوب شهری معطّر
ایمدی بیری ثکلا گر اولا بو باشا نیلر
ایتمزله تصوّر سنه قانون کفن الماز
سویللّه بونون جسمینه گل پیرهن اولماز
.
.
قلبونده سنون «هادی» اگر عشق حسین وار
اوز عاشقینی قویماز حسین کیمسه ایده خوار
هر دمده سنه یاریدی اول سیّد ابرار
عالمده جهان اول کسه بیت الحزن اولماز
گر اولمیه بیر یول که بهشت عدن اولماز
.
.
.
.
#اکبریه_هادی_تبریزی
#اکبریه_شهادت
#عالمده_قبل_کلمه_عشقه_بولن_اولماز
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  یتیر بو تهنیت لری امام صادقه صبا #17ربیع_مبکی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی