عالم ذرّدن منه لطفین ایدن عطا خدا – #حسینیه_چوپانی_مشعل

راز و نیاز حضرت اباعبدالله الحسین علیه السلام با خدا در #قتلگاه
.
✍️ زبدة الاشعار ✍️

?: @nohe_torki
.
قدرت چوپانی ( مشعل )

.
عالم ذرّدن منه لطفین ایدن عطا خدا
ایندیده لطف ایدیب منیم دردیمه قیل دوا خدا

.
قالوا بلاده وئرمیشم هر نه بلایه من بلی
عشقیمون اوسته نوشیدور باشیمه گلسه مین بلا
عشقیوه ائتمیسن منی روز ازل ده مبتلا
لاسوزی منده یوخدی گر مین بئله اولسا ابتلا
وار یوخوم ای خدای من هر نه اولا سنونکیدی

.
هر نه باشیمدا وار منیم پیر وجوان سنونکیدی
هر نه داغیلسا چوللره خُرد و کلان سنونکیدی
تشنه قالان سنونکیدی اودّدا یانان سنونکیدی
خیمه ده بیر بؤلؤک یتیم مرثیه خوان سنونکیدی
قویموشام اختیاریوه هر نه اولا خدا خدا

.
منده کی جان سنونکیدی نطق و بیان سنونکیدی
عشق نهان سنونکیدی روح و روان سنونکیدی
شاهرَگیمدن آخسا گَر توپراقا قان سنونکیدی
من نَچییَم خدایِ من پیکر و جان سنونکیدی
من سنه خاطر ائتمیشم قانی یوزه حنا خدا

.
ائتمیشم عهد اوز عهدیمین اوسته خدای من وارام
لاله کیمی وجودیمی قان دوتا قانه غرق اولام
آدیوی ازبر ائتمیشم ذکریوه عاشیقم مدام
هر نه اوز عشقیم اوسته گر درد اولا منده وار دوام
قانه بویانمیشام فقط سن اولاسان رضا خدا

.
قاسمی ویرمیشم سنه اکبری ویرمیشم سنه
عونیمی ویرمیشم سنه جعفری ویرمیشم سنه
آلتی آییندا بیر گلِ احمری ویرمیشم سنه
غنچه کیمی گُل آچمیان اصغری ویرمیشم سنه
هامی سنوندی یکسره منده سنه فدا خدا

.
بسکه سنه من عاشقم آیری بیر عشقی بیلمَرم
بس یمِ عشقده خدا غوطه ورم شناورم
بسکه محبتون سالوب قلبیمه ریشه ایسترم
سوز دانیشام آدون اولور وِرد زبان و اَزبرم
آیری بیر عشقه ائتمرم ذره جه اعتنا خدا

.
توکسه تُرابه قانیمی مین بئله نوک نیزه لر
بیر سنه خاطر ائتسه لر جسمیمی ریزه ریزه گر
ئولدورَلَر مین اکبرین مثل جوانیمی اگر
مین قره معجریم دوشه چولَّلره زار و دیدتر
فیکرینه لحظه قالمارام مین بیله غم اولا خدا

.
ائتدیگیم عهده ایلدیم کرب و بلاده من وفا
من بو قیامه وئرمیشم روز الستدن رضا
ایندی وفا سنونکیدی سنده منیله ای خدا
عهد ائلدون اگر منه هر کیم ئورکدن آغلاسا
روز جزا عذابدن ایلیه سن رها خدا

.
گلدی ندا حسین من هردو جهان سنونکیدی
حشریدن اولما ناگران باغ جنان سنونکیدی
هرکیمی گوگلون ایسته سه ایله روان سنونکیدی
سن نه دئسون قبولدور باب بیان سنونکیدی
سن دیه سن جهنمی یکسر ائدر فنا خدا

.
عشقویله سن ایلدون وار یوخووی فنا منه
منده بهشتدن ایکی باب ایلدیم عطا سنه
یول ویره سن اگر چه سن دوستووا یا که دشمنه
یوخ سوزون اوسته سوز دیه حشریده کیمسه دیلَّنه
حکم روا ائدوب سنی محشره برملا خدا

.
محشری وئرمیشم سنه دفتری وئرمیشم سنه
آب فراتی ایچمدون کوثری ویرمیشم سنه
حشریده سن امین سن ایشلری ویرمیشم سنه
کیم سنه اولسا صدقیله مشتری ویرمیشم سنه
غم یئمه سن نه ایسته سون ائیله مز عَزمِ لا خدا

.
سن منه وئردون اکبری من سنه روز محشری
سن منه دیلسیز اصغری من سنه امر کیفری
سن منه میر لشگری من سنه مِهر دلبری
سن منه تشنه لب لری من سنه آب کوثری
عشقیوه دم به دم دئیر عرشیده مرحبا خدا

.
ائیله مه ذرّه غم حسین
چکمه غم و اَلم حسین
.
دامنه توکمه نم حسین
هی دئمه من تکم حسین
.
من سنه همدمم حسین
دادرسون منم حسین
.
عشقیوه محرمم حسین
یاروه مرهمم حسین
.
اَوَّل لوح عشقده
اولموش آدون رقم حسین
.
صحنۀ امتحانه سن
قویدون عجب قدم حسین
.
عشقیوه مرحبا دییر
خالق ذوالکرم حسین
.
احسن اولا بو رازیوه
قانیله دستمازیوه
.
غبطه ائده لَّر انبیا
شأنیوه امتیازیوه
.
عشقیله ایلدون منه
سن ئوزیوی فدا حسین
.
ذرَّه ترحم ایله میر
فرقه اشقیا حسین
.
نیزه و اوخ ائدوب زبس
پیکریوی یارا حسین
.
ائتمیسن آغ محاسنه
ئوز قانیوی حنا حسین
.
ایستی هوا سیزیلدیسان
آغلوری نُه سَما حسین
.
قتلگهونده باش آچوب
جملۀ انبیا حسین
.
آلموش اَله عَمامه سین
جدوّن ایدور نوا حسین
.
حسرتیله الین قویوب
قوینونا مرتضی حسین
.
معجر الینده فاطمه
سسلوری وای بالا حسین
.
عرشیده یاس دوتوب سنه
شخصاً اوزی خدا حسین
.
گوزلریوه دولوبدی قان
عرشیمه لرزه سالموسان
.
سن منی چوخ چاغیرموسان
نوبه منیمدی بیر دایان
.
قوی من ئوزوم بو عالمه
مطلبی ایلیوم بیان
.
های سالیم ئولدی یاوریم
باش آچون ای ملک لریم
.
عالمی قاره پوش ائدون
سیندی ستون محوریم
.
من هامیدان عزالیام
قالمادی یئرده یاوریم
.
عاشیقیم ایستی قوملارین
اوسته دوشوبدی جان وئریر
.
سوز عطش دوداقلارین
پارچالیوبدی قان وئریر
.
گاه منه باخیر سوسوز
لبلرینی نشان وئریر
.
لبلری ترپَنَن زمان
نُه فلکه تکان وئریر
.
یاره لی یار ایستیور
یارینی روبرو گوره
.
اَن یئره جبرئیل من
منده گرک گئدم یئره
.
هی منی سسلیور حسین
سالمام اونون سوزون یئره
.
بوندان علاوه قویمارام
رنج اولا یاره لبلره
.
سینه ده ایستیور منه
اوخ یاراسین نشان وئره
.
اوچ پر اوخون یئرین گرک
من ئوزوم ایلیم رُفو
.
لُجّۀ قاندا اگلشم
عاشقمیله روبرو
.
ایستدیگیم حسینیله
صحبت ائدم گشاده رو
.
خلوت ائده صفالیدی
رنج کشان آرزو
.
من دانیشام او ائتمیه
بوندان علاوه گفتگو
.
چون ئورگی یارالیدی
سسلوری هر زمان که هو
.
قان یاراسیندا داشلانور
دَردی دوباره باشلانور

.
#قتلگاه #حسینیه_شهادت
#عالم_ذردن_منه_لطفین_ایدن_عطا_خدا
#چوپانی_مشعل #ترکی
.
✍️ #زبدةالاشعار ✍️

?: @nohe_torki