زبدةالاشعار

عباس آناسی امّ بنین رحلت ایلدی #حضرت_ام_البنین_غمخوار

حالات حضرت ام البنین (س)

.
✍️ #زبدةالاشعار ✍️
.
🆔: @nohe_torki
.
حاج اسماعیل فرشی ازهر (غمخوار تبریزی)
.
عباس آناسی امّ بنین رحلت ایلدی
دارالولانی غرق وغم و محنت ایلدی
.
عباس آدی دلینده گوزی یاشلی داغدار
فکر وصالینی بیر اوزون مدت ایلدی
.
جان ویردی یولداگوزلری اول باوفاوخانم
جاری عذاره اشگ غم و حسرت ایلدی
.
زهرا بالالارینه اوزون بولدی خادمه
صدق و صفاییله اولارا خدمت ایلدی
.
قویمازدی غم دوتا او صولان گللرین دلین
رفع ملالت اولماقا جدّیت ایلدی
.
پروانه اولدی باشلارینا صبح وشامیلر
هرنه اولار بگندی سووب دقت ایلدی

نازین چکردی فاطمه نین دورت بالاسینون
خدمت محبّتیله اوخوش فطرت ایلدی
.
عبّاسیدن ازل حسنیله حسینینون
آلماقه دللرین اله چوخ همّت ایلدی
.
گوگلون آلاردی زینب و کلثومون هرزمان
مین مهریله محبّتیله صحبت ایلدی
.
قویمازدی گرد وغم دوتا زینب عذارینی
شیرین دیلیله رفع غم محنت ایلدی
.
شانه ووراردی زلفونه کلثوم و زینبین
ووردقجا شانه عشقی اونون شدّت ایلدی

متن پیشنهادی:  زهرا یوز قویار اشک افشان #الهادی_زلفی_تبریزی

آغلار گورنده حضرت زهرا بالالارون
صبره اونازدانه لری دعوت ایلدی
.
هرگون گلوب گیدنده خانم صحن خانه دن
قنفذله ثانیه دایانوب لعنت ایلدی

بیرگون شه ولایته شرمیله عرض ایدوب
لطفون منی اگر چه بورا قسمت ایلدی
.
باشیم اوجالدی ائللرآرا طایفه آرا
شاکر منی همیشه بله نعمت ایلدی
.
واردور حضور انوریزه عمده خواهشیم
لطفون سببدی دل آچیلوب جرات ایلدی

بیر آیری آدیله منی بو ایوده سسلیون
وادار عرایضه منی بو علّت ایلدی
.
سیز سسلین زماندا آقا فاطمه منی
گورّم بالالارین غمی چوخ شدّت ایلدی
.
یاده دوشور آنالاری گوز یاشلاری آخور
یول آچماقا او دللره غم سبقت ایلدی
.
جانلار فدا اولا حسنینین آناسینا
کیم اول خانم کیمی بولارا رأفت ایلدی
.
بیرده محالدور اونا تای عالمه گله
گورّم آدی گلنده غموز سبقت ایلدی
.
امّ البنین آدین شه دین ایتدی انتخاب
امّ البنین آدیله خانم شهرت ایلدی
.
هر یر دیردیله بو اوغوللار آناسیدی
چوخ صاحب جلال اونی بو عزّت ایلدی
.
افسوس جان ویرنده گوزون تیکدی یولّارا
هرگز دیمه گلوب بالالار شرکت ایلدی
.
ایتمشدی کربلاده اولار عهدینه وفا
تسلیم جانه بیر بیرینه سبقت ایلدی
.
هر گون بقیعده عارضه باغلاردی گوز یاشین
عبّاسیدن دییوب دانشوب صحبت ایلدی
.
دورت اوغلونون غمی داخی سالدی ایاقدن
حسرتله جان ویروب سفر جنت ایلدی

متن پیشنهادی:  ای کونول باغلاما بئل عزت دنیا گیده جک #پندیات_بیدقداری

خاک بقیعده عزّتیله قبره قویدولار
امّ البنینی پیک اجل راحت ایلدی
.
عبّاسه ای صبا خبر ایله گلوب گوره
درد و غمون نجه اونی بی طاقت ایلدی
.
سسلردی کربلاده منیم بیر آییم باتوب
مهر امامتی ایله خم قامت ایلدی
.
قربان اولا آناسی اوجا بویلی اوغلونا
زهرا بالاسینا نه گوزل نصرت ایلدی
.
اصغر دییلّه قالدی سوسوز سو ویرنمدی
اوندان خجیل منیم بالامی امّت ایلدی

متن پیشنهادی:  ایدنده زینب مظلومه ترک دنیانی #زینبیه_تائب_تبریزی

من بیر دولی گوزیله ربابه باخانمادیم
قلبیم همیشه یانماقی بو خجلت ایلدی
.
بیله سوزی یازانمازدون ای قلم یقین
عباس آناسی لطفونی بی منت ایلدی
.
عباس آقا اماندی بو«غمخواری» درک قیل
بو روسیاهی گور نه اسیر محنت ایلدی
.
ویرّم قسم غمین آناوا قوومیون منی
باخمون بو نوکروز سیزه آز خدمت ایلدی
.
دنیاسی گچدی ، آخرتیندن فسرده دی
لطف ایله سوز یقین یارادان رحمت ایلدی
.

.
#حضرت_ام_البنین_غمخوار
#عباس_آناسی_ام_بنین_رحلت_ایلدی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی