ورود به مدینه
زبانحال عبداله ابن عباس (ع)
.
✍️ زبدة الاشعار ✍️
.
🆔: @nohe_torki
.
#سبک_ای_باد_صبا … 7 سبک
مشابه
.
مرحوم معزّی اردبیلی
.
عبداللهم ای صاحب لطف و کرم الله
گوز یاشلی گلوب یثربه اهل حرم الله
.
مدّتدی وطنده اورگی یاره یتیمم
یوز قویمشام آخشام چاقی دیواره یتیمم
.
.
بیر ایلدی خانم عمّه لریم قاره سالوبلار
ایولرده عزا ساخلیوب افسرده قالوبلار
بعضاً اَله بیر پیرهن خونین آلوبلار
پیراهنه اما نجه پیکان ورولوبدور
روشن دیمز عمّم نیه چوخ قان ورولوبدور
.
.
دوغری سوزیمش غصّه ییَریمش آتاسیزلار
بایرام گونیده قاره گیَرمیش آتاسیزلار
اشکین اَلیوب نوحه دیَرمیش آتاسیزلار
نه سدّ ملالی وطنیمده یخا بیلدیم
نه کوچیه من شاد و خرامان چخا بیلدیم
.
.
ایومیزده ایشیتدیم خبری بزم عزاده
عمّم بویوراندا منی غم پوزدی زیاده
قولّاری دوشوبدور بابامون کربُبَلاده
عنقا کیمی میدانیده پرسیز دولانوبدور
کوکب لری سیرینده قمرسیز دولانوبدور
.
.
گوردوم گجه رؤیاده بابام اشجع ناسی
الوانیدی ئوز قانینه زیبنده لباسی
آهسته گلوردی دانشان وقته صداسی
پوزموشدی منی آتش پُرسوزی فراقین
گوردوم قولی یوخدی اگیلوب ئوپدوم ایاقین
.
.
گلدیم دیله ای آلعبا پشت و پناهی
سرلشگر شایسته بنی فاطمه ماهی
قلبیم دوتولوبدور چکورم دمبدم آهی
یثربده اگر باخماقا رُخساریمه گلدون
قولسوز نیه بس آی بابا دیداریمه گلدون
.
.
باخدی سارالان صورتیمه سرور نامی
گفتاره بئله گلدی اباالفضل گرامی
قوی مندن اولا راضی دیدیم عصرون امامی
قلبیم هدف محنت و درد و اَلَم اولدی
سو اوسته منیم قولّاریم اوغلوم قلم اولدی
.
.
یارب گورورم غملی آنام امّ بنینی
منزلده پوزوبدور هامنی داد و انینی
درده گتوروب غصّه دل پر محنینی
گولمز یوزی دنیاده زمانه دونوب الله
مظلومه دی بش شمع امیدی سونوب الله
.
.
بایراملار اولار عمّه لریم قاپلاری باغلار
سائل قاپونی وورسا اولار عالمی داغلار
خلعت وئریلر قیترر اوندان دونر آغلار
گورسون بابامون سرو کیمی قامتین ایستر
عبّاسیدن هر ایل کی کیمین خلعتین ایستر
.
.
سائل یوزیمه باخدی بو اوغلان دئدی کیمدی
برج ادبه ماه درخشان دئدی کیمدی
سیماسی گوزل حالی پریشان دئدی کیمدی
عیناً آقامون صورتینه گُل یوزی اوخشار
زیبا گوزینه خردا بالانون گوزی اوخشار
.
.
عمّم دیدی عبّاسیدن ارزنده نشاندور
آغوشیمه زینتدی گل باغ جناندور
عباسه جگر گوشه منه روح رواندور
سائل تز آلوب عطر اباالفضلی یوزومدن
یاد ایتدی گرامی آقاسین ئوپدی گوزومدن
.
.
.
#ورود_مدینه
#عبداله_العباس
#عبداللهم_ای_صاحب_لطف_و_کرم_الله
#ترکی
.
✍️ #زبدةالاشعار ✍️
.
🆔: @nohe_torki
نظر دهید