ورود به کربلا
.
✍️ #زبدةالاشعار ✍️
.
🆔: @nohe_torki
.
مرحوم عبدالواسع شهیدی زنجانی
.
عشقه باخ کشور جانانه حسین جان گتوروب
کربلا دشتینه یتمیش ایکی قربان گتوروب
.
.
عشق سرکشدی ولی هر کسی رسوا ایلمز
یاندورار عشق اودی پروانه نی پروا ایلمز
باش و جان فکرینی هیچ عاشق شیدا ایلمز
اودی معشوقه ویره جان شه خوبان گتوروب
.
.
عشقیدن گر چه اولور عاشق دل سوخته مست
اولا مخصوصاً او کیم مست می جام الست
هانسی عاشقدی حسین تک بیله معشوق پرست
کوی عشقه نه که واردور سر و سامان گتوروب
.
.
عشقه باخ عاشقه باخ عهدینه پیمانینه باخ
عشق صحراسینه باخ گتدیقی قربانینه باخ
الده جان نقدینه هم سویدوگی جانانینه باخ
هانسی عاشق بیله معشوقینه ایمان گتوروب
.
.
نجه عاشقدی بونون باشدا کی سوداسی ندور
بو خلیل هانسیدی قربانگه و مأواسی ندور
گر ذبیح اکبریدور قاسم و عبّاسی ندور
گوتوروب پیر و جوانین هامی یکسان گتوروب
.
.
ایستیوب قانه باتا زلف علی اکبرینی
ایسّی قوم اوسته قالا قاسم گل پیکرینی
گوره اوخلاره نشان حلق علی اصغرینی
ارمغان گور نه عجایب گل و ریحان گتوروب
.
.
امر معشوقیله شوقیله او سلطان امم
اولوب آواره وطندن گوره هر محنت و غم
باغلیا قول قولا اهل حرمین اهل ستم
عترت اللهی بو نیّتله او سلطان گتوروب
.
.
عاقبت عشقی گورون بیر نجه اعجاز ایلدی
دلده کی رازین حسین عالمه ابراز ایلدی
ایکی دنیا هامی عشّاقی سرافراز ایلدی
آفرین عشقینه ترسا و مسلمان گتوروب
.
.
ورد ایدر بو سوزی تا واردی «شهیدی» ده نفس
بلمه هرعاشقی عاشق، دئمه هر ناکسه کس
لیک عشّاق حسیندن چخوب افلاکه بو سس
عشقه شاهد مثل مور و سلیمان گتوروب
.
.
#ورود_کربلا #شهیدی_زنجانی
#عشقه_باخ_کشور_جانانه_حسین_جان_گتوروب
#ترکی
.
✍️ #زبدةالاشعار ✍️
.
🆔: @nohe_torki
نظر دهید