راه شام
زبانحال حضرت سکینه (س)
.
.
.
مرحوم سهیلی
.
.
عشقون ایلیوب گوگلمی نخجیر علی قارداش
شاهدّی بو بوینومدا کی زنجیر علی قارداش
.
.
ظاهرده اگر شمره گرفتار کمندم
باطنده سنون زلفویله سلسله بندم
یانّام بو یانار آتش عشقونده سپندم
هریان چکر اول زلف گره گیر علی قارداش
.
.
باشون باشیم اوستونده ائدر شامه اراده
خورشید کیمی جلوه لنور نوک جداده
آردونجا باشون شامه کیمی منده پیاده
گلَّم گیده هریان بودی تدبیر علی قارداش
.
.
مجنون کیمی آفاقده دیوانۀ عشقم
عشقون بورویوب جسمیمی کاشانه عشقم
اول نرگس مستون کیمی مستانۀ عشقم
همرازیم اولوب حلقۀ زنجیر علی قارداش
.
.
آق یوزده قرا زلفون ائدوب گوگلمی برهم
اسدوقجه صبا گه داغیلور گه اولی درهم
آردونجا سورونَّم بو ره عشقده باهم
عار اولسون ایدم لحظه ای تأخیر علی قارداش
.
.
وئرمم هامی بو عالمی بر تارینه زلفون
سرمایه دی جان نقدی خریدارینه زلفون
شامه گیدورم شامده بازارینه زلفون
جان نقدی الیمده من دلگیر علی قارداش
.
.
جان قویماقا عشقونده وارام من سوزوم اوسته
ویرّم سر کوینده بو جانی گوزوم اوسته
سنده باشون اگ قوی یوزیوی بر یوزوم اوسته
ایله دل ویرانیمی تعمیر علی قارداش
.
.
سن باخ منه منده باخوم اول هاشمی خاله
حسرتله ایداخ هر ایکیمیز ناله بو حاله
باشون منیله گلمسه گر نطق و مقاله
بو آهیم ایدر گوگلوه تأثیر علی قارداش
.
.
دیندیر منی راز عالمه ویر ایلمه چوخ ناز
گوگلوم دم عشقونله دمادم اولی دمساز
سنسیز گیجه لر صبحه کیمی همدم و همراز
اولموش منه بو ناله شبگیر علی قارداش
.
.
گر اولسا میسّر سنیله رازونیازیم
مشکل گله دلدن دله بو دلده کی رازیم
عشق اهلنه غم محنت و هجران نیه لازم
بیرده ایلسون صاحب تقریر علی قارداش
.
.
هر راز نهانیم که بو قلبمده نهاندور
رخساریمه باخسان رخ زردیمده عیاندور
گوزیاشیمله بسکه گوگل قانی رواندور
ایلوب هامی بو یولّاری تخمیر علی قارداش
.
.
سندن صورا بیرده یوزوم آفاقیده گولمز
بو نکته نی عشق اهلی بولر اوزگه سی بولمز
حسرتدیَم آیا بو سکینه ندن ئولمز
جاندان منی هجرانون ایدوب سیر علی قارداش
.
.
سالماز علی عمریله (سهیل) آدوی دلدن
ارشاد ایلیوب عشقون اونی روز ازلدن
عشقونده توکر گوز یاشی آغلار سنه دلدن
ایلر آدوی دفتره تحریر علی قارداش
.
.
#سبک_ای_باد_صبا … بیش از 7 سبک
.
.
#راه_شام
#عشقون_ایلیوب_گوگلمی_نخجیر_علی_قارداش
#سهیلی_تبریزی
#ترکی
#زبدةالاشعار
نظر دهید