زبدةالاشعار

عشقین منی مجنون ائله یب چول لره سالدی #مهدیه_هدایت_تبریزی

یا مهدی
.
.
هدایتی تبریزی
.
.
عشقین منی مجنون ائله یب چول لره سالدی
زنجیره چکیب قلبیمی ، آرامیمی آلدی
.
دنیانی گوزوم دن سالیب ایتدین منی حیران
صبریم آزالیب ، غم چوخالیب ، غصّه چوخالدی
.
آه ای گوزلیم دوشدوم ایاقدان منی درک ائت
یوخ تاب و توانا منه همّت سنه قالدی
.
بختیم منه یار اولمادی بختیم قارا گلدی
داغلان دی جگر ، یاندی اورک ، قدریم آزالدی
.
بیگانه اولوب قونشو قوهوم چخدی یادمدان
یاددان چخاسان سن ولی بیر امر محالدی
.
آهو باخشم تیر نگاهون منی یخدی
ئولدور منی ، یوخ شکوه ، سنه قانیم حلالدی
.
من یوخ اوزوون خاطروه ایله ملاقات
بیر یول خبر آل گور نه قیامت دی نه حالدی
.
بیگانه اگر بال وئره آغزمدا زهَردی
سن وئرسن اگر زهر هلاهل منه بالدی
.
عمروم هدر اولدو ، چورودوم گوشهء غم ده
سئل لندی گوزوم یاشی ، گویه آهیم اوجالدی
.
گون گچدی ولی دیقه سی غمدن ایله دوندو
عمروم باغنا اسدی خزان سولدو سارالدی
.
چال لاندی باشم ، سقّله دن دوشدو ، قوجالدیم
عشقیم هله تازه گل آچب ، عقل ده کالدی
.
جام فرحی دست قضا آلدی الیمدن
بیلمم کی ( هدایت ) ده نه گوردو داشا چالدی
.
#مهدیه
#عشقین_منی_مجنون_ائلییب_چول_لره_سالدی
#هدایت_تبریزی
#ترکی

متن پیشنهادی:  عاشقین زلف پریشانینی دست غم آچار #شب_عاشورا_حسنی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی