شهادت حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
جوانی تبریزی
.
عصر وقتیدی غروبه یتدی خورشید حیا
ناله ی یافاطمه عرشه اوجالدی برملا
.
آگه ایتدی بو مصیبتدن علی اصحابینی
دفن زهرایه چاغوردی اونلاری شمس هدا
.
نقل ائدوبلر قالدی بیر حاله ملال و غصدن
دیزلرین آغوشینه آلمیشدی میر اولیا
.
غسلنی وئردی علی المرتضا ایتدی کفن
قویدولار تابوته چخدی گوگلره آه و نوا
.
نیمه شب ترک ایلدی زهرا سرای عشقینی
سمت قبرستانه یوزدودردی پهلوده یارا
.
خسته جیسمی قویدولار قبرین کنارینده یره
عالم بالاده اولدی عرشیان نوحه سرا
.
پیکر مجروح زهرا تخته ی تابوتیده
دیده ی حسرتله ایلردی نظاره مرتضا
.
بوذر و سلمانیدی مقداده او غملی حالیده
بیله فرمایش ایدوبدور حجت حق گوئیا
.
بو چتین وقتده آچون بیر قدری مندن فاصله
واردی سیزدن خواهشیم ای یاوران باوفا
.
گوگلوم ایستور بیر محبت بزمینی بو لحظده
قبر زهرانون کنارینده ایدم یاران به پا
.
من بو خاتون وفانون حشره جک مدیونیم
هرنقدری آغلیام اولماز یقین حقی ادا
.
دوقوز ایلده گورمدی خوشگون ائویمده فاطمه
هر ملال و محنته صبر ایلیوب خیرالنسا
.
سالمادی دیلدن بتولی محنت ضیق معاش
دوزدی اندوه و ملاله نور چشم مصطفا
.
یاندیربلار درگهین اوچ یوز نفر اهل عناد
آیری بیرحاله سالوب زهرانی قوم بی حیا
.
امر مولایه اطاعت ایلیوب اصحابلر
گورمدی بیرکس حریمینده شهنشاه ولا
.
قالدی بیر مولا علی بیرده بتولین پیکری
شمع تک یاندی او ماواده عزیز کبریا
.
آلدی آغوشه وفالی همسرین مظلوم علی
نالسیندن لرزیه یکسر گلوب ارض وسما
.
غملی رخساره آخاردی قطره قطره گوزیاشی
سسلیردی آچ گوزون ای بضعه خیرالورا
.
سن نه تز دویدون علیدن آز زماندا فاطمه
سنسیز عالم وار یری اولسون منه لیل دجا
.
فاطمه سنسیز حیاته یوخدی اصلا رغبتیم
اولماسان قالماز گلستاندا سروریله صفا
.
کاش اجل درک ایلیه ایمدی کنارونده منی
طائر روحوم اولا بو غملی محبسدن رها
.
الغرض سوز و گدازین ایلدی مولا تمام
ایستدی زهرانی قبره تاپشورا اول مقتدا
.
بو مصیبتده گرگ ناله اوجالسین گوگلره
اشگ دیده قانه دونسون تترسین عرش خدا
.
جنت الاعلانی ترک ایتدی رسول ممتحن
حاضر اولدی دفن زهراده او فخر انبیا
.
قبردن اولدی هویدا مصطفانون اللری
سسلنوب وئر در نایابی علی بسدوربکا
.
اولمیوب بو گوهره اهل عداوت مشتری
سیندیربلار جوریله یثربده بیر عده دغا
.
یا علی زهرا سپهر خلقته برهانیدی
قرب و قدرین بولمیوبلر دهریده افسوس اولا
.
آلدی گویا قبریدن پیغمبرین شیون سسین
واریری عرض ایلیدی جانشین مصطفا
.
یا رسول الله قیزون زهرا گلور دیداروه
واردی پهلوسیده زخم میخ در واحسرتا
.
عفو ایله دنیا بویی سندن علی شرمنده دی
اولمادی یاخشی امانتدارون ای کان سخا
.
خالصانه محفل غمده (جوانی) نوحه یاز
اجروی محشرده لطف ایلریقین صاحب عزا
.
.
#فاطمیه_شهادت
#عصر_وقتیدی_غروبه_یتدی_خورشید_حیا
#جوانی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید