زبانحال مادر حضرت علی اصغر (ع) در اثر بی تابی از عطش دلبندش
.
.
.
مرحوم حاج محمد ابراهیم ذوقی تبریزی
.
.
عطش سالوب گل رخساریوى صفادن اوغول
سوسوزلوقون بولورم سوزش هوادن اوغول
.
سو یوللارین بالا سدّ ایلیوبله کوفه لیلر
کیمه شکایت ایدوم قوم اشقیادن اوغول
.
نه واردی سود بالا سینمده نه گلور اله سو
بو خیمه لر بوشالوب، شربت و غذادن اوغول
.
دوداقلارون قوریوب ضعفدن باتوب نفسون
ضعیف اولوب بدنون نی کیمی نوادن اوغول
.
سزیلدیوب آناوی بیر بیله کباب ائتمه
آنان هلاک ایدورى ئوز ئوزون بُکادن اونول
.
اوتانورام دولانوب باشیوه یوزوندن ئوپم
واریمدی شرم بی بون دخت مرتضادن اوغول
.
سو اولمادی علی جان من خجالتم سندن
باخانمورام یوزیوه کثرت حیادن اوغول
.
خیال ائتمه عطش تک سالوب سنی دیدن
عطش سسی اوجالوب عرشه نینوادن اوغول
.
اگر آچوب گوزیوی رنگ زردیمه باخسان
بولرسن حالیمی بو رنگ کهربادن اوغول
.
سو جاملاری قوریوب سو تاپولموری ، اولسا
سویی مضایقه ائتمز آنا بالادن اوغول
.
بولوب خجالتیمی باخموسان منیم یوزومه
و یا علاقه کسوبسن بو بینوادن اوغول
.
بو نسگله نجه من صبر ایدوم دؤزوم دایانیم
عطش سالوب سنی دیلدن منی قوادن اوغول
.
چتیندی دیلسیز اوشاق آج سوسوز قالا اوچ گون
نتیجه ائتمیه حاصل بالا آنادن اوغول
.
سالوب سو فکری سنی بیر علاج سیز درده
علاج اولسا اولار شاه کربلادن اوغول
.
بیر آز دایان علی گلسون بو قانلو میداندان
باباوی باخبر ایلوم بو ماجرادن اوغول
.
سنی ال اوسته آلوب دشمنه نشان وئرسون
که بلکه رحمه گلوب قورخالار خدادن اوغول
.
گمان اگر ئچه یوخومدور سنه سو وئرسونلر
مگر بو اهل جفا ال چکر جفادن اوغول
.
علاجی یوخ آناوین چون بیله مقدّر اولوب
بو چولده قان ایچه سن شربت قضادن اوغول
.
سنون بو حالون ئولونجه ربابی یاندوراجاق
ایدوم بو درده نه چاره گچوب دوادن اوغول
.
ایله سیزیلدارام ایوای علی دیوب یانّام
فغان و داد اوجالار آل هل اتی دن اوغول
.
نجه من آغلامیوم ناله ایلموم نیلوم
بلالی باشیم آیلماز بیر آن بلادن اوغول
.
گه آغلادور منی اکبر غمی گهی قاسم
گه آغلارام عمووا گیچمرم وفادن اوغول
.
شفاعته علی محتاجدور قیامتده
اماندی «ذوقنی» قورتار غم جزادن اوغول
.
#اصغریه #ذوقی_تبریزی
#اصغریه_شهادت
#عطش_سالوب_گل_رخساریوى_صفادن_اوغول
#ترکی
#زبدةالاشعار
نظر دهید