زبدةالاشعار

عفو ایله منی گلمیشم افغانه عم اوغلی #فاطمیه_نادری

زبانحال حضرت فاطمه زهرا سلام الله علیها
.
.
.
مرحوم قدرت اله نادری
.
عفو ایله منی گلمیشم افغانه عم اوغلی
بو جور ستملر گتوروب جانه عم اوغلی
.
.
اون بیر ایل اولار گیتدی آنام دار فنادن
بو ایلده بابام رحلت ایدوب امر خدادن
منده گیدیرم یا علی بو جور و جفادن
امّا منیلن سازش و صلح ایتمه دی ایّام
یتمش ایکی گوندور بو غم و محنته یانّام
.
.
گوردون تزه ایتمشدی بابام عصرده رحلت
یاندوردی بو درگاهی او گون قوم عداوت
جبریل بو درگاهه ایدوب دائمی حرمت
اود ویردیلا درگاهه قاپوم یاندی عم اوغلی
سندی بو قابورقام اورگ اودلاندی عم اوغلی
.
.
سقط اولدی اوگون محسن اولوب جزء شهیدان
فریاد ایلدوم دادیمه گل ای شه مردان
گوردوم قولووی باغلیوب اول فرقۀ عدوان
خیبر قوپاران اللریوی باغلادی دشمن
مسجدده ایاق اوسته سنی ساخلادی دشمن
.
.
چون بُلدوله مایل دگیسن جنگ و مصافه
ال وردیلا هر یرده بولار لاف و گزافه
غصب ایلدی ارثیه می فرزند قحافه
باغ فدکی محسنمی الدن آلوبدی
اونلار منی بو ذلت و افغانه سالوبدی
.
.
بونلار هاموسی درددی اما چکه بلَّم
بیر سوز وار اگر دوغری اولا یا علی ئولَّم
اللهَه یقین شکوه ایدوب من دیله گلَّم
هر درده اولا من صبر اتگیندن الیم اوزمم
اما بو سوزه طاقت ایدوب یا علی دوزمم
.
.
آرتوردی بو سوز قلبده کی درد و بلامی
ایندی من ایشیتدوم عموم اوغلی بو کلامی
بو کوچه نین اهلی سنه ویرمزله سلامی
بو اهله مگر منشأ آز خدمت اولوبسان؟
جانلار سنه قربان نیه کم حرمت اولوبسان؟
.
.
بیر آه چکوب فاطمیه سویلدی مولا
کیم بو سوزی فاش ایلدی سن بیکسه زهرا
چوخدان ایدیرم منده بو اهلیله مدارا
بو سهلدی ویرمزله سلام آرتار عذابیم
ایتسمده سلام اونلارا ویرمزله جوابیم
.
.
بو سوز بُلورم سندن آلور فاطمه طاقت
بو سهلدی که ایلدیلر غصب خلافت
یوز دوندروری چوخلاری مندن بو جماعت
بونلار منه ویرمزله سلامیله کلامی
هر وقته سلام ایلرم آلمازلا سلامی
.
.
یاز «نادری» بو قوم جفا پیشه دی ابتر
واضح تانیوردی بولاری ختم پیمبر
بو علته تاپشوردی قلج چکمیه حیدر
شیاد صفتلر نچه بو خلقه امیندی
صفلر داغیدان دسته پوزان خانه نشیندی
دنیانین ایشین گور نقدر واردی همیندی
.
.
.
#فاطمیه_شهادت
#عفو_ایله_منی_گلمیشم_افغانه_عم_اوغلی
#نادری
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دفن ایدنده حضرت زهرانی میر مقتدا #فاطمیه_رجایی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی