زبدةالاشعار

على جداده باشون سیر ایدر بیابانی #راه_شام_عبداله_اصلی

راه شام
زبانحال حضرت لیلا(س) با سر مبارک علی اکبر(ع)
.
.
.
حاج عبداله اصلی
.
على جداده باشون سیر ایدر بیابانی
سالوبدی آردیجا لیلای خانه ویرانی
.
شکنج زلفوه از بسکه باغلانوب گوگلوم
اسیر زنگی کیمی گزدیرور بیابانی
.
معاملات محبّتده نقد جان قویدوم
گتوردوم آخر اله تار موی جانانی
.
نه سمته چکسله گلّم دالونجا سایه کیمی
ئولمده بوشلامارام زلف عنبر افشانی
.
سنق کجاوه اوزوم خسته یول خطرلی گینه
گیدرم عشق یولون بوشلارام سر و جانی
.
سکینه زلفووه تای قیزلاری سالوب نظمه
نظامه سن سالالى طرّۀ پریشانی
.
یازولّا یوزده على آدین اشک چشمیله
اوخولّا دلده ولی آیۀ فتحنانی
.
چکولّه سیره گلن قیزلاری تماشایه
نشان ویرولّه تجلّای نور یزدانی
.
باخان جمالیوه مدهوش اولور دوشور دلدن
سالور خیالینه سیناده پور عمرانی
.
دیولّه هر تلی مین یوسفه دَیَر بو باشین
پوزولّا رونق بازار ماه کنعانی
.
نه قانلو باش دیه سن نیزده قزل گل آچوب
گلور مشامه بو باشدان شمیم رضوانی
.
بو کاروانه باشون مشعل هدایتدی
آماندی سالما محاقه او ماه تابانی
.
اسنده یل پوزولور نظمی عالمون زلفون
دونور سحاب کیمی روی مهر رخشانی
.
حریم حسنوی طوف ایلینده اهل حرم
یانان اورکده آلشدیرّام آه سوزانی
.
جرس فغانه گلر ناله مون نواسیندان
چخار اسیرلرین عرشه داد و افغانی
.
عراق دشتینی آهنگ غم دوتار بلبل
نوا و شوریله ترک ایلیر گلستانی
.
سپاه سنگ دله نالم ایلمز تأثیر
بیر آزدا آرتوری ظلمون گروه سفیانی
.
یارالی باشویله درد دل ایدنده، عدو
گلندن آیری سالور عندلیب نالانی
.
نقدر یالوارورام نیزه داریوه ویرمز
نهان ایدم دل ویراندا درّ غلطانی
.
وروبدی «اصلی» امیدیله چنگ دامنووه
اور کده واردی چتین دردی سرّ پنهانی
.
.
#راه_شام_عبداله_اصلی #اکبریه_اصلی_تبریزی
#على_جداده_باشون_سیر_ایدر_بیابانی
#ترکی

.

متن پیشنهادی:  وئردی نتیجه آل علینین درایتی #اربعین_محمد_هوشمند

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی