زبدةالاشعار

على سن سیز منه بیردم امان اشک بصر وئرمز #حضرت_صغری #کاتب_اردبیلی #فضولی

زبانحال حضرت صغری (س)

.
✍️ #زبدةالاشعار ✍️
.
🆔: @nohe_torki
.
مرحوم کاتب اردبیلی
#تضمین از غزل #ملامحمدفضولی
.
على سن سیز منه بیردم امان اشک بصر وئرمز
سسیمه سس داخی نالمدن اوزگه بیر نفر وئرمز
یتر آهیم ثریایه سنه لاكن اثر وئرمز
منه باد صبا اول سرو گل رُخدن خبر وئرمز
آچیلماز غنچۀ بختیم، امیدیم نخلی بر وئرمز
.
.
سنی سالّام خیاله آه و افغان ایلرم امّا
گل رویوندن اوزگه میل گلزار ائتمرم امّا
گئچه عمروم فراقونله وصالون گورمرم امّا
توکوب گوز یاشینی سن سیز هلاکیم ایسترم، امّا
اجل پیکینه سیل اشک گردابی گذر وئرمز
.
.
بیلورسن دردمندم من علیله لطفون آز ائتمه
منی بوندان علاوه مایل سوز و گداز ائتمه
گھی بیر چهره وی مندن دریغ ای سرو ناز ائتمه
گوزونده مسکن ائت خارِ مژمدن احتراز ائتمه
گل خندانه سوردوم خاره یار اولماق ضرر وئرمز
.
.
من بیماری ایلوبسن دچار درد و غملر سن
سوروش باد صبادن صورت احوالیم ایسترسن
خبردار اولسون حالیمدن یقیندور ناله ایلرسن
گر ایستورسن منیم بهبودیمی بیر نامه گوندرسن
که پژمرده نهاله وئرمیینجه سو ثمر وئرمز
.
.
تغافل ائتمه آخر بو سؤالاتون جوابیندن
منی قورتارگیلان بو غملو قلبین اضطرابیندن
گئجه تا صبح یانّام نار هجرانون عذابیندن
قیاس ائت شمعیدن وهم ایله چرخون انقلابیندن
کیم اول باش آلماقا قصد ائتمینجه تاج زر وئرمز
.
.
اگرچه دور گردون گون به گون آزار ائدر خلقه
دمادم ساغر خونابه نی سرشار ائدر خلقه
نوید مرگی هر لحظه دوتوب تکرار ائدر خلقه
بلا ظلمینده راحت اولدوقون اظهار ائدر خلقه
فلک بیهوده خار خشکیدن گلبرک تر وئرمز
.
.
#حضرت_صغری #کاتب_اردبیلی
#على_سن_سیز_منه_بیردم_امان_اشک_بصر_وئرمز
#منه_باد_صبا_اول_سرو_گل_رخدن_خبر_وئرمز
#ترکی

متن پیشنهادی:  قرا گینلری باشه یغوب باشندا قرا #تائب_تبریزی

.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی