درد دل حضرت صغرا(س) با علی اکبر(ع)
.
✍️ #زبدةالاشعار✍️
.
🆔: @nohe_torki
.
#سبک_آچیلدی_پرچم … 10 سبک
مشابه
.
مرحوم صدری اردبیلی
.
على غریبم وطنده سن سیز
منه حمایت ائله برادر
مریضوه م گل عیادتیمه
شفا عنایت ائله برادر
اولوم او جانه فدا علی جان
منی نظردن ندن سالوبسان
.
.
قسم او جانه رضا دگلدوم
اورک غمیندن وورام اشاره
یازام گلایه ائدم گلیلیک
وفا یولوندان چیخام کناره
سنی خیاله سالور بو نامه
نئدوم که یوخدور الیمده چاره
اودور که یازدوم قاییت وطنده
منه طبابت ایله برادر
.
.
اگر اولیدی جانیمدا طاقت
بو درده والله گنه دؤزردوم
غمون چکردوم اورکده گیزلین
نظرده والله گینه دؤزردوم
مریض اولیدوم یانوندا قارداش
سفرده والله گینه دؤزردوم
سالوب أیاقدان منی فراقون
گل باخ شهادت ایله برادر
.
.
مریضون اولدوم بیر ایلدی قارداش
عروق جاندان رمق چکیلمش
گونوم غروبه یتوبدی سنسیز
فضای جسمه شفق چکیلمش
غمون اوتوندان وجودیم اوسته
مثال آهن ورق چکیلمش
اگر یوخوندی بو سؤزده باور
منه قضاوت ایله برادر
.
.
رضای حقّی گوزتله قارداش
منی بو حاله سالان غموندی
یخان ایاقدان سالان بو درده
قراریم الدن آلان غموندی
اوزون گئدوبسن عراقه اما
نشانه سندن قالان غموندی
او غم یاخامدان الین گوتورمز
اوزون کرامت ایله برادر
.
.
گوزوم یاشیلان بو عرض حالی
او خاکپایه منِ بلاکش
یازوب قوروتدوم اورک اوتوندا
اودور که خطّیم اولوب مشوّش
اجل یتوبدور ولی بو جانیم
گینه قوتارماز ائدر کشاکش
گوزون فداسی اولوم على جان
منی عیادت ایله برادر
.
.
بیر ایلدی مندن خبر یوخوندی
ندن آتوبسان منی گوزوندن
مگر خلافیم اولوبدی قارداش
منی آیردون بئله اؤزوندن
دئدون عراقه سنی آپارّام
نیه دونوبسن او بیر سؤزوندن
آپارمادون کی وطنده باری
قالوب اقامت ائله برادر
.
.
حضور استاد #یحیوی ده
یازاندا صدری بو شرح دردی
آخاردی شبنم ایکی گوزوندن
یانیقلی قلبی اونون اسردی
دییه ردی استاد کسرلی بیر سؤز
قلیج دمیندن اینان بَتَردی
شیرین لیگینده گزیش کلامین
گوزل روایت ائله برادر
.
.
#حضرت_صغری #صدری_اردبیلی
#على_غریبم_وطنده_سن_سیز_منه_حمایت_ائله_برادر
#ترکی
.
✍️ #زبدةالاشعار✍️
.
🆔: @nohe_torki
نظر دهید