در مدح مولای متقیان ، امیرالمومنین (ع)
.
✍️زبدة الاشعار✍️
?: @nohe_torki
.
حاج اسماعیل زرین
.
على ولىّ خدا ماسوایه مولادور
تمام ما خلق الله او شاهه مولادور
.
ثنا و مدحه بیری گر دل آچسا گفتاره
قسم خدایه او مولا ثنایه اولادور
.
به غیر ختم رسل کیم وجودی علتدور
وجود خلقته شأن و مقامی بالادور
.
وجود خالقه یول یوخدی درک ایده درّاک
نه چونکه ذات خدا جسمدن مبرّادور
.
هامی تصوّر اولانلار اولار اوزی مخلوق
بو یرده عاقل اگر فکر قیلسا بیجادور
.
گر ایسته سن باخاسان خالقه ولی سینه باخ
که لفظه دقت ایدنلر بولر نه معنادور
.
على وجودی صفات خدایه مظهردور
على جمالی جمال خدای یکتادور
.
على خلیفۀ برحقّ خالق سبحان
على حضوری حضور علىّ اعلادور
.
علی وجودیدی آئینۀ صفات الله
على تمام صفات جمیله دارادور
.
على سپهر ولایتده بیر خور رخشان
جهان عرفده خورشید عالم آرادور
.
على محافظ حیثیت جهان خرد
بوتون معارف اسلام اونیله برپادور
.
علوم ما خلق اللهی قطره فرض ایده سن
على او قطره لرون مرکزینده دریادور
.
دیمه مبالغه وار بو سوزومده واقع دور
سلونی صاحبی عالم بولور او مولادور
.
تمام انفس و آفاقیدن سئوال اولونا
جواب مثبته مولا لسانی گویادور
.
هامی فلاسفه جمع اولسا گر حضورینده
مقام علمیده بیر صورت مقوّادور
.
ایدنمز اوج کمالینده اوزگه لر پرواز
که کوه علم و ادب قلّه سینده عنقادور
.
عدالتین چراغین ایلیوب على روشن
على عدالتی عدل خدایه ایمادور
.
عدالتی که ایدر سطح عالمی رضوان
هامی خلایقه دلده بیوک تمنّادور
.
تمام امریده محکوم ایدوبدی ظلامی
قضاوتی هامی قضّاته حكم فرمادور
.
بو نور ایزدی افسوس کوردل گورمور
که زادگاه علی کعبۀ معلّادور
.
على اطاعتین اوز طاعتین سایوبدی رسول
على عداوتی خیرالورایه ایذادور
.
على ولایتی اکسیر عزّ سرمددور
الونده توشه لا ینتَفأیِ عقبادور
.
ولایت اولماسا اعمال حبطدور مطرود
طلای ناب دگول سکۀ مطلادور
.
علیدی ساقی کوثر على مقسّم نار
على سؤَنلره خلد برین مهیادور
.
دوتوبدی رأفتیله الده کاسۀ زرّین
نصیب شیعه لره شربت مصفّی دور
.
#حیدریه_مدح
#على_ولى_خدا_ماسوایه_مولادور
#اسماعیل_زرین
#ترکی
.
✍️ #زبدةالاشعار ✍️
?: @nohe_torki
نظر دهید