زبدةالاشعار

علینین گولشن آمالی آماج خزان اولدی #فاطمیه_علی_شهودی

شهادت حضرت زهرا سلام الله علیها
.
.
علی شهودی
.
.
علینین گولشن آمالی آماج خزان اولدی
بوکولدی قامتی غمدن موبارک قلبی قان اولدی
.
علینین ماه تابانی غریبانه غروب ائتدی
جمال عالم آراسی اوُفق لردن نهان اولدی
.
علی اوزاللریله اوز گولون تاپشیردی تو پراقه
علینین کیم بیلیر دردین علی بی همزبان اولدی
.
او خاتون وفا پروراَل اوزدی دار فانیدن
بقا مولکونده یئر دوتدی وجودی جاودان اولدی
.
مقدّس روحی آیریلدی مطهّرجسم زاریندن
ریاض خلدیده گویا پیمبر روضه خوان اولدی
.
او عصمت کانی کی دوتموش بوتون آفاقی اسماسی
ندن دور تربت پاکی جهاندا بی نشان اولدی
.
اوجاتدی آل اطهارین باشین شایسته رفتاری
او گون کی جانب حقدن مکررامتحان اولدی
.
شهادت خط سیریندن یئتیشدی قاف اجلاله
دوتوب اول خطی اولادی قفاسیند ن روان اولدی
.
قیام کربالنین باخ بیناسین قویدی یثربده
او گیزلین یاره سی ظهر بلاده خونفشان اولدی
.
حسینین روحی دور روحی نظر قیل حُسن تعلیله
اونون غارتگری قونفوذ بونون کی ساریبان اولدی
.
او شاعر کی خلوصیلن مدیحه یازدی زهرایه
اونون قبر ایچره همراهی امیر مؤمنان اولدی
.
.
#فاطمیه_شهادت
#علینین_گولشن_آمالی_آماج_خزان_اولدی
#علی_شهودی
#ترکی
#زبدةالاشعار

متن پیشنهادی:  دفن ایدنده حضرت زهرانی میر مقتدا #فاطمیه_رجایی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی