زبدةالاشعار

علی درگاهینه نوکر اؤرکدن سسله یاحیدر #حیدریه_فرهنگی

اؤرکدن سسله یاحیدر …
.
✍️ #زبدةالاشعار ✍️
.
🆔: @nohe_torki
.
ابوالفضل فرهنگی
.
علی درگاهینه نوکر اؤرکدن سسله یاحیدر
دوتاندا قلبوی غملر اؤرکدن سسله یاحیدر
مکرر اول و آخر اؤرکدن سسله یاحیدر
نه بیر یول قیل آدین از بر اؤرکدن سسله یاحیدر
وجودین بی بلا ایلر اؤرکدن سسله یاحیدر
.
.
قدم قوی عشق پاکیله بو گلزار تولایه
توکل ایله معبوده توسل شاه والایه
خلوص قلبیله عرض اراد ت ایله مولایه
علینون دامنیندن دوت عروج ائت عرش اعلایه
سنه فخر ایلسین گوگلر اؤرکدن سسله یاحیدر
.
.
علینون آد ینی ذکر ایله ،چون ذکری عبادتدی
او مولانین یولی احبابنه راه سعادتدی
قسیم النّار و الجّنه همان شاه ولایتدی
کیمه بیرگوشۀ چشمیله گر باخسا کفایتدی
عنایت ایلراول سرور اؤرکدن سسله یاحیدر
.
.
اؤرکده بسله عشقین رمز و راز عشقه دارا اول
بو فانی دهریده منفور عمل لردن مبرّا اول
دل و جاندان طرفدار تولّا و تبرّا اول
می مولادن ایچ مستِ رخ شاه تولّا اول
بنام ساقی کوثراؤرکدن سسله یاحیدر
.
.
علینون عاشقی بیل قدریوی باب امامتده
ئوزون وقف ایله بودرگاهه اگلش اوج عزتده
غلام آستانبوس اول بو دربار ولایتده
سلیمانلار اونا چاتما ز ،جلال وشان و شوکتده
اودورشاه ملک منظراؤرکدن سسله یاحیدر
.
.
نه تنهاسن، علینی دهریده دلداده لر سسلر
گلر فریاده مولانین آدین افتاده لر سسلر
تماما عارف و عاشق هامی آزاده لر سسلر
غنی و مستمند و سائل و شهزاده لر سسلر
دخیل اول سنده ای مضطراؤرکدن سسله یاحیدر
.
.
علی یردیدی معراجه گیدنده ختم پیغمبر
نبی گوردی ویروب افلاکه زینت ساقی کوثر
یتشدی سمعنه گویا صدای فاتح خیبر
علینون دلربا صوتیله سسلندی حق داور
دایان ای عرشیمه زیور اؤرکدن سسله یاحیدر
.
.
#حیدریه_مدح
#علی_درگاهینه_نوکر_اورکدن_سسله_یاحیدر
#ترکی
.

متن پیشنهادی:  ندندی بو سحر باشون بویاندی قانه آی بابا #حیدریه_شایان_ارومیه

✍️ #زبدةالاشعار ✍️

🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی