فی التوحید
گریز به وداع امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم شعاع تبریزی
.
عمل گر چه بدون اطلاع کبریا اولماز
اولان بسم اللهیله ابتدا بی انتها اولماز
.
.
چاتارمقصوده هر کیم سوز باشندا ذکر ایده هو حق
آلارعالی نتیجه ایتدیقی افعالدن مطلق
دیوب بسم الله اولّام منده اوز منظوریمه ملحق
بعون الله سوزومده ذرّه جه ریب و ریا اولماز
.
.
نه مدّتدورخیالیم وار ایدم توحیدیدن صحبت
باخوب گورّم قلمده الده دلده یوخدی بو قدرت
ولی بو نیّتیلن که اولا شکرانۀ نعمت
بیانیم گرچه اقیانوسیدن بیر قطره سا اولماز
.
.
بومبهم مسئله آیداندا گوندنده هویدادور
تعقّل اولسا انصاف اولسا حلّ اولموش معمّادور
هامی مصنوعه بیر بانی و صانع آشکارادور
خدا بس فرض اولونسا دوزدی سوز کفر و خطا اولماز
.
.
او کس که ادّعا ایلور خدا یوخدی هوا سوزدی
طبیعتدور دیسه بو گردش عالم خطا سوزدی
هامی مخلوقه خالق وار، دیسن یوخدی خدا، سوزدی
نظرده هر نیی دوتسان خدا اوندان جدا اولما
.
.
بو یر بو گوی بو آی بو گون بو اولدوزلار بو مخلوقات
داخی یوخ حاجتی شرحه ایدوللر خالقی اثبات
حقیقت اهلینه کافیدی بو یوخ غیرینه حاجات
مدبّرسیز عزیزیم خود بخود بو ماسوا اولماز
.
.
خدا بیر ذات پاک و اقدس و بی عیب وهمتادی
یتیشمز حسنی سانه هر معایبدن مبرّادی
وجودی هر وجود ایچره تفحّص اولسا پیدادی
دوشونسه منکری والله و بالله ناخدا اولماز
.
.
اوزاقدور یوخ دیمک خالق ، مروّتدن عدالتدن
اموب سود منکری بی شبهه پستان جهالتدن
گر عاقل سن کنار ایله اؤزون جهل و ضلالتدن
اولان منکر خدایه نار دوزخدن رها اولماز
.
.
بو نظم و انتظام عالمه بیر منتظم واردور
قیامت وار جزا وار انتقام و منتقم واردور
عقیدن گر بو موضوعه سنون یوخدی، منیم واردور
که عاملسیز عمل یا خیر یا شر جابجا اولماز
.
.
اوهانسی قوّت و قدرتدی بو افلاکی سرتاسر
هواده ساخلیوبدور بی ستون ای منکر داور
دوتوبدور جمله سو اوسته قرار آیا نجه یرلر
اونی حفظ ایلین بس هانسی نیرودی فنا اولماز
.
.
بدون شک ایدور اثبات حقى خلقت افلاک
ندور مهر و مه و انجم گورور هر پاک یا ناپاک
باخاندا وحدهُ وحده دیر هر صاحب ادراک
اورکده اولماسا حبّ خدا اصلاً صفا اولماز
.
.
او گوز که گورمیه اعمادی اؤز معبودینی هر آن
نظرده خالقی ایلور مجسّم خلقت انسان
اوزی بیر کارگه اجناسی امّا مختلف الوان
گوروب کیم بیر بیره نوع بشر تشبیه اولا، اولماز
.
.
عناد و جهلی قوی بیر آن کناره مرد و مردانه
نظر قیل دقّتیله ابر و برف و باد بارانه
بو دورت فصل ایچره نقش قدرت خلّاق سبحانه
که دی خرداد و خردادی دی و صیفی شتا اولماز
.
.
بو شرح وصف توحیدی مقصردی یازا خامه
بو بیر مطلبدی که بیر کیمسه اوندان یتمیوب کامه
یازا کُتّاب عالم حشر اولونجا یتمز اتمامه
زبان الکنیله مدح وصف کبریا اولماز
.
.
خدا منظوری خلقتدن دگل بو خلقه سان ویرسون
بودور بلکه اؤزی اؤز ذات بی مثلین نشان ویرسون
علاوه فرد فرد اشخاصه جمله امتحان ویرسون
قبول و رَد بدون آزمایش برملا اولماز
.
.
بوخلقتده على مولی الموالی شاه دل آگه
بویوردی من عرف نفسه کَانّه قد عرف ربّه
باخان انصافیله اؤز نفسینه اولماز یقین گمره
ولایت تک ولایت اهلینه بیر رهنما اولماز
.
.
دیار کربلا بیر صحنۀ عشق نمایشدور
حسینون ماجرای غم فزاسی آزمایشدور
وداع موضوعنی منظور و مقصودیم نگارشدور
بیر اوزگه صحبت اولسا مقصد خیر النساء اولماز
.
.
وداعینده شه والاگهر بیر امتحان ویردی
سلیمان بلا بلقیس رو اطفاله سان ویردی
ندور عشق حسین و امتحان اوردا نشان ویردی
عوالم حیرته دوشدی بیله عهده وفا اولماز
.
.
بوعشقه ساکنان نه سما حیرتده قالمشدی
بسان خاتم اطرافین نچه سیمین بر آلمشدی
غریو وغلغله افلاک نه طاقه اوجالمشدی
عدیم المثلدی هرگز بیله بر ماجرا اولماز(1)
.
.
چاغوردی گل باجی ای نائبه زهرایه محنتده
منه ای غم شریکی هر بلایا و مصیبتده
نئدیم منشور اولوب روز ازل مکتوب حکمتده
شهادت امری زینب جان بو گون ختم اولماسا اولماز
.
.
حسینین دامنین اطفال الیندن گل رها ایله
اؤزون تک ماهرو اطفالى تسلیم قضا ایله
اسیر و دستگیر دشمن اولماقه رضا ایله
آتادان اختیاریله جدا هرگز بالا اولماز
.
.
باجی جان جان سون جان قزلارین بیر آن بو دمدن
خصوصاً گوز گوتورمه سویگلوم نازلی رقیّمدن
بو قز کام آلمیوب کام دلیمجه اودلی سینمدن
بولورسن بیر گجه منسیز یاتا بو مه لقا اولماز
.
.
«شعاع» بوشلانسا آگهسن عنان توسن خامه
نچون سرکشدی ایلر ازدحام و شور هنگامه
تمامه یتمه میش مطلب قویار بیر باش گیدر شامه
گیدر شاماته صحبت شرح حال کربلا اولماز
.
(1)عدیم المثل . [ ع َ مُل ْ م ِ ] (ع ص مرکب ) بی نظیر. بی مانند.
.
#مناجات #شعاع_تبریزی
#وداع_حسینیه_وداع
#عمل_گر_چه_بدون_اطلاع_کبریا_اولماز
#ترکی
.
✍️ #زبدةالاشعار ✍️
.
🆔: @nohe_torki
نظر دهید