زبانحال حضرت رقیه سلام الله علیها
.
✍️ #زبدةالاشعار ✍️
.
🆔: @nohe_torki
.
هادی وحیدی زنجانی
.
#سبک_ای_ویرن_ویرانه_یرده
.
عمه جان ویران سراده گوهروالا منم من
اکبرین زیباغزالی،مظهرزهرامنم من
.
بیرق عشق حسینی ورموشام ویران سرایه
تا سالا آل عبانین باشینه بو یرده سایه
یوخ امیدیم عمه بیرده من گئدم کرببلایه
شامیده ویران سرانی ایلین مأوا منم من
.
.
رشتهٔ عشقه ازلدن تار قلبیم اولدی بسته
اولموشام شامین یولوندا قمچی لردن زار و خسته
من حسینه نازدانه،یاتموشام تپراقلار اوسته
جان وئروب،طومار عشقی ایلین امضا منم من
.
.
فُلک جانیم غرق اولوبدور شامیده گرداب درده
گرد غم عمه چکوب آیینه ی رخساره پرده
شام قزلاری باخوللار ظاهراً سیمای زرده
باطناً افلاک عشقه، زُهره ی زهرا منم من
.
.
قید استعماری آخر ایلرم من پاره عمه
شعلهٔ آهیم سالور اود کاخ استکباره عمه
قلبیم اولموش گر چه تیر درد و غمده یاره عمه
نهضت خون حسینی ایلین احیا منم من
.
.
نوبهار عمروم عمه شامیده دوندی خزانه
گوهر غلتان عشقیم بو خرابه یر،خزانه
باغلانوبدور قوللاریم دست ستمله ریسمانه
ایلین زنجیر عشقی لؤلؤ لالا منم من
.
.
چرخ عصمتده ازلدن بیر ایشیقلی اولدوزام من
سفره ی احسان آل هاشمه عمه دوزام من
ایلین رسوا یزیدی اوچ یاشیندا بیر قزام من
دشمنوندن قورخمیان، همتلی بی پروام نم من
.
.
حیف اولا تیر شماتت قلبیمی ایلوبدی یاره
شامیده عمه تاپولماز بو ساغالماز درده چاره
عاقبت عمه سالارسان باشیوه بیر تازه قاره
عهدینه ویران سراده ایلین ایفا منم من
.
.
گربابام گلسه خرابه منزله اولام فداسی
قانینی خشک ایلرم زلفومله گر اولسا یاراسی
راضیم گلسون بو خسته جانیمه درد و بلاسی
سالک عشقم، طریق حقده رهپیما منم من
.
.
شام یوللارینده قالدوم بیر گجه من یانه یانه
زجر گلدی تا منی عمه یتورسون کاروانه
من سلام ائتدیم اونا اما او ویردی تازیانه
زجریدن عمه گورن زجر غم و ایذا منم من
.
.
گل کیمی عمه خرابه شامیده من پرپر اولدوم
ظاهراً گر چه اسیر شمر شوم کافر اولدوم
باطناً اما اسیر تار موی اکبر اولدوم
اکبره روز ازلدن عاشق شیدا منم من
.
.
وار یری آهیم خدنگی طاق افلاکه ساچیلسون
یوخ امیدیم قوللاریمدان قید استبداد آچیلسون
آل سفیانی دعا ایله خدا نابود قیلسون
دشمنیم گورسون یزیدی ائلین رسوا منم من
.
.
.
#حضرت_رقیه_شهادت #هادی_وحیدی
#عمه_جان_ویران_سراده_گوهر_والا_منم_من
#ترکی
.
✍️ #زبدةالاشعار ✍️
.
🆔: @nohe_torki
نظر دهید