زبدةالاشعار

عموغلی قلبیده هم و غمیم سنه قربان #فاطمیه_مهدی_فعال

زبانحال حضرت زهرا (س)
..
..
مهدی فعال
..
..
عموغلی قلبیده هم و غمیم سنه قربان
زیاده محنت و سنّ کمیم سنه قربان
..
..
علاقمندم اگرچه سنیله صحبت ائدیم
بو آز زمان که واریم قوی بیرآز وصیت ائدیم
یورولمیشام وئر اجازه که رفع زحمت ائدیم
تموّج ایلوری گوزده یمیم خداحافظ
..
..
قوناقیوم نچه لحظه وطنده گئتملی ام
گوزیم عموغلی قالار گرچه سنده گئتملی ام
گون آز قالور باتا گون باتسا منده گئتملی ام
بو آخرین نفسیم بو دمیم سنه قربان
..
..
گل اوتی درد دلیم وار بیر آز دیوم بوشالیم
سوزیوی سنده منه دئ سوزیوی تحویل آلیم
قوجالمیشوخ ایکیمیزده قوتارموری ملالیم
جوانلیق عالمی قدّ خمیم سنه قربان
..
..
محالیدور بئله بیر لحظه لر بئله خلوت
نه سنه نه منه بیرده دؤنوب اولا قسمت
دوروم دؤنوم باشوا ایندی کی واریم فرصت
غنیمت عالمیدور عالمیم سنه قربان
..
..
سن آغلاما چون او که آغلیا گرک او منم
بو صون گوروشدی سنیله عیارینی بیلنم
الیم اوزولور الوندن انیسه ی محنم
بو نیسگلیمده همین ماتمیم سنه قربان
..
..
توکینی زینبیمون هؤرمه سم ئوزی هؤرمور
ایاقه من دورورام دیزلریم ولی دورمور
دوتاخ ایاقه ده دوردوم گوزیم یولی گؤرمور
ضعیف گوزلریم ای محرمیم سنه قربان
..
..
گلنده گونده سن ای باغبان بو غملی باغا
قدیم کی تک قاباقوندا دورانمورام ایاقا
او عم قیزی که دیردون او دای قوتولدی آقا
یارالی جانیما یوخ مرهمیم سنه قربان
..
..
قاپینون آتشی گچدی دئمه مهم سانیرام
سنه اهانت اولوبدی اوچ آیدی اوتلانیرام
فدکه یانمورام اصلا سنه باخوب یانیرام
فدکیم ای وصیِ خاتمیم سنه قربان
..
..
خلاصه قورتارا زحمت گرک خداحافظ
بو گجه دن دئمرم دای کمک خداحافظ
بئلیدی قسمتیمیز نیله مک خداحافظ
بو سرگذشت سراسر غمیم سنه قربان
..
..
#فاطمیه_شهادت #عموغلی_قلبیده_هم_و_غمیم_سنه_قربان
#مهدی_فعال #ترکی #زبدةالاشعار

متن پیشنهادی:  آغلاما ای دخت شهبانوی اسلام آغلاما #حسنیه_هادی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی