ولادت حضرت علی(ع)
.
✍️ #زبدةالاشعار ✍️
.
🆔: @nohe_torki
.
مرحوم منصور تبریزی
.
عمومه ایتماقا اظهار قدرت اللهی
گتوردی ظاهره حق عین قدرت اللهی
.
شرافت اولماقا بیت خدایه عالمده
نشان ویروب اوزینی حق زمین اعظمده
.
علوّ شأن و شرف سیر ایله شرافته باخ
جلال و عزّته ایله نظر جلالته باخ
.
حریم حقّ که حق معبد عبادتدور
مطاف عالمیان قبلۀ سعادتدور
.
اولوب محل ولادت ولیّ کبرایه
تفاخر ایلدی الحقّ عرش اعلایه
.
نصیب اولمادی بو فیض حق عیسایه
اولوب بو مرتبه لایق علیّ اعلایه
.
حبیبی سجده ده اسلامه ایتدی چون اقرار
دیوب شهادتین ایمانین ایلدی اظهار
.
ایشقلانوب حرم حق نور حقیله
او عین حق اولان نور مستحقیله
.
بو سوزده گیتدی الیمدن توان و طاقتیم آه
دوشوب خیالیمه بیر غم پوزولدی حالتیم آه
.
مجسّم اولدی نظرده او سجدۀ آخر
که اولدی صبح نمازینده کوفه ده ظاهر
.
او سجده سینده تزلزل دوشوب سماواته
اوجالدی ناله و فریادیلر حجاباته
.
کمین ایدوب او شهی ابن ملجم بیدین
تمام عنادیله اول ظالم شریر و لعین
.
جسارت ایلدی حقّه او باطل مطلق
حواله ایتدی قلج اولدی فرق حق منشق
.
گل شکفتۀ گلزارلافتی سولدی
او عین حقّ اولان گوزلرینه قان دولدی
.
زبس روان یوزینه اشک و خون و آب اولدی
او آق محاسینی آلقانیله خضاب اولدی
.
کسیلدی طاقت تاب و توان شیر خدا
یخیلدی قانینه غلطان یوز استه واویلا
.
نقدری واردی نفس آه و وایه گل «منصور»
تمام شوقیله بزم عزایه گل «منصور»
.
.
#حیدریه_منصور_تبریزی
#حیدریه_میلادیه
#عمومه_ایتماقا_اظهار_قدرت_اللهی
#ترکی
.
✍️ #زبدةالاشعار ✍️
.
🆔: @nohe_torki
نظر دهید