حضرت قاسم (ع)
.
✍️ زبدة الاشعار ✍️
?: @nohe_torki
.
مرحوم غمکش
.
عمو جان یئتیش هرایه ئولورم یارالیام من
آلوب اهل کین ارایه ئولورم یارالیام من
.
.
دئمیرم ویروللا یاره منه کوفیان عموجان
دئمیرم گل ئولدوروللر منی شامیان عموجان
دئمیرم نجات گل وئر منی بو زمان عموجان
دؤزرم هامی بلایه ئولورم یارالیام من
.
.
ستمیله اهل کوفه یولومی ائدوبله مسدود
کسیلوبدی راه چاره بویتیمه اولدی محدود
گل عمو کی بو یتیمون اورگینده وار بو مقصود
باخا بیرده مه لقایه ئولورم یارالیام من
.
.
عموجان یولومدا الان آنامین گؤزی قالوبدی
ئوزونه آخور سرشکی اله معجرین آلوبدی
دئ اونا کی تیر و نیزه منی تابیدن سالوبدی
خبر ائت او مبتلایه ئولورم یارالیام من
.
.
دئمیرم گؤزوم یاشین سیل گؤزومی دوتوبدی القان
منه فخریدی عموجان کسلر یولوندا قربان
عمو گل بو آخرین دم اوخی باشیم اوسته قرآن
کرم ائت بو جان فدایه ئولورم یارالیام من
.
.
عموجان بو مرغ روحیم اوچا آز قالور قفسدن
آدون ازبریمدی امّا باخورام یولا هوسدن
نئجه قاسمی گلوب گؤر یارالار سالوب نفسدن
آخوری قانیم منایه ئولورم یارالیام من
.
.
آنامیله خوشدی عمّم دوتا خیمه لرده یاسیم
پؤزولوبدی گل تک آتلار ایاقیندا نعش قاسم
اؤزوی یئتیر هرایه سنه واردی التماسیم
گلورم فغان و وایه ئولورم یارالیام من
.
.
داخی خیمه ده یوبانما یئتیشوب ایشیم تمامه
دئمیرم گل اکبرون تک منیده آپار خیامه
جانیمی نئجه گلوب گؤ ر ائلدیم فدا امامه
باشیم اوج ائدر سمایه ئولورم یارالیام من
.
.
دئمیرم کی هر شهیدین دیزوه باشین آلوبسان
دئمیرم منی نظردن عموجان نیه سالوبسان
دوداقا یئتوبدی جانیم عمو هاردا بس قالوبسان
سال عمو باشیما سایه ئولورم یارالیام من
.
.
دئمیرم گلوب چئکیدون عموجان بو وقتده نازیم
دم آخریمدی مولا سنه واردی چوخ نیازیم
دئیورم گلوب گؤریدون منیم آخریم نمازیم
آچیلوب الیم دعایه ئولورم یارالیام من
.
#سبک_سو_یوخومدی_قزلاروندان (بیش از 5 سبک)
.
#قاسمیه_شهادت
#عمو_جان_یئتیش_هرایه_ئولورم_یارالیام_من
#غمکش
#نوحه_های_محرم_غمکش
#ترکی
.
✍️ #زبدةالاشعار ✍️
?: @nohe_torki
نظر دهید