خرابه شام
زبانحال حضرت رقیه سلام الله علیها
به رأس انورحضرت سیدالشهدا علیه السلام
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
عمّه بوکیمون باشیدی خوش منظری واردور
بوقانلی گوزیله باباما بنذری واردور
.
.
قانلی گوزی چوخ بنذیری شاه شهدایه
باخدوقجه منی زاره گلور آه ونوایه
اوز باشنی مندن اوتوری سالدی بلایه
گلمیش چکه بو دردیمی چوخ غملری واردور
.
.
آلدیم بابامون عطرینی گل تک بو یوزوندن
بولدوم بوبابام دورسوروشوم قوی من اوزوندن
اوز بلبلونی بس نیه سالموشدی گوزوندن
گویا که دیمزدی بیله بلبلری واردور
.
.
ای عمّه بولوردی بو گوزوم یولدا قالوبدور
گوربیرنه عجب وقته منی یاده سالوبدور
لطفیله منیم گوگلومی بو یرده آلوبدور
چوخ خوش گلوب آخرگوزوم اوسته یری واردور
.
.
قالموشدی یوزوم یرده منی ایتدی سر افراز
عزّتلی قوناقیمدی بونا ایلرم اعزاز
راحت ایدرم قانالی باشین سینه ده بیر آز
سینم کیمی ایمدی بو باشون بستری واردور
.
.
قدیم بوکولوب دوندی کمانه بو قاش اوسته
گوزیاشیم آخوب یرایلدی داغ و داش اوسته
اُولّم منی کلباش یقینا بوباش اوسته
قالسام باشیمون چون اونا درد سری واردور
.
.
قورتاردی داخی درد سریم ایلمه فریاد
چوخ زحمتیمی چکدون ای عمّه ایوُون آباد
روحوم قوشی آز قالدی اولا دامیدن آزاد
گوگلوم آچولوب اوچماقا بال و پری واردور
.
.
واربیرجه سوزوم اولما مکدر سنی تاری
آچسون قولومی شمر جفا کاره دی باری
بسدور اُولورم جانه گتوردی منی زاری
آخر” دی بو بیداد رسون داوری واردور
.
.
شمرون منی اولدورماقا وارفکر وخیالی
مقصوده یتر اُولّم اولار رفع ملالی
حیف اُولدی ” گوزوم گورمدی بیرماه جمالی
بیرعالم اونون قلبیده نسگلری واردور
.
.
قارداش دیوب ایمدی توکرم گل یوزه قانیاش
قربان کسولوم آدیوه جان ای علی قارداش
بس هاردا قالوبسان سنه بیر کس دیه ایکاش
گل بیر باجوون گور نه قرا گونلری واردور
.
ایتدی غم هجرون منی آواره نی خسته
یوخ چاره یانار بو دل مجروح شکسته
قارداش اولورم گل باشیمی آل دیزون اوسته
تا خلق دیسونله منه غم پروری وار دور
.
یارب سن اوزون اول منیم عالمده پناهیم
عفو ایله حسین جانینه چون چوخدی گناهیم
(غمناک ) حسینم سوزومه واردی گواهیم
هر لحظه الیمده او شهون دفتری واردور
.
.
.
#حضرت_رقیه_غمناک_تبریزی
#حضرت_رقیه_شهادت
#عمه_بو_کیمون_باشیدی_خوش_منظری_واردور
#ترکی
.
✍️ #زبدةالاشعار ✍️
.
🆔: @nohe_torki
نظر دهید