عم اوغلی ای شه خوبان باشیم اوسته اوخی قرآن #فاطمیه_غمگین

زبانحال حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
سبک :: منیم ای تشنه قربانیم … بزن بر سینه و بر سر … ئوزوم گوردوم … حسین تعجیلیلن گیتمه … خداوندا الیم بوشدی …
.
محمد باقر محمدزاده قومیان (غمگین)
.
عم اوغلی ای شه خوبان
باشیم اوسته اوخی قرآن
باخیب آغلاتما زهرانی
اولا زهرا سنه قربان
.
سنی مظلوم حسین جانی
باخیب آغلاتما زهرانی
.
.
.
سنیله اولموشام همدم
بو ائوده دوقوز ایل باهم
گل ای عیسی نفس وئر دم
باخیب آغلاتما زهرانی
.
.
غمیمده مجتبی آغلار
قیزیم کلثوم اؤرک داغلار
باشا زینب قرا باغلار
باخیب آغلاتما زهرانی
.
.
اجازه وئر دئییم بیر سوز
فراقیمده یئمه غم دؤز
حسینیمدن گوتورمه گوز
باخیب آغلاتما زهرانی
.
.
یتیمه قیزلاریم قالسین
اؤزوند‌ن عطریمی آلسین
باشا شال عزا سالسین
باخیب آغلاتما زهرانی
.
.
پوزولما شور شینیمدن
مواظب اول دو عینیمدن
علی‌التخصیص حسینیمدن
باخیب آغلاتما زهرانی
.
.
اوزون وئر غسل و کفن ایله
اماندیر قبری پهن ایله
گئجه وقتینده دفن ایله
باخیب آغلاتما زهرانی
.
.
گوروللر گر یئریم خالی
پوزولسا قیزلارین حالی
نوازش ایله اطفالی
باخیب آغلاتما زهرانی
.
.
عم اوغلی قویما اهل کین
وورا تابوتما دستین
منی دفن ائت گئجه گیزلین
باخیب آغلاتما زهرانی
.
.
وئریب دم حضرت زهرا
بو اشعاره اولوب انشا
امیدیم وار ائده امضاء
باخیب آغلاتما زهرانی
.
.
غمیمده هر زمان «غمگین»
توکر رخسارینه اشگین
اوزوم بذل ایلر‌م اجرین
باخیب آغلاتما زهرانی
.
.
.
#سبک_علی_اصغر_مه_انور
(بیش از 7 سبک سینه و زنجیر)
.
.
.
#فاطمیه_شهادت
#عم_اوغلی_ای_شه_خوبان
#غمگین
#ترکی
.
✍️ #زبدةالاشعار ✍️
.
🆔: @nohe_torki