زبانحال عروس
.
✍️ #زبدةالاشعار ✍️
.
🆔: @nohe_torki
.
حاج حسین حسنی افشرد
تضمین از دخیل(ره)
.
عم اوغلی قلبیمی یاندرما سوز آهیلن
گل اول انیس نچه آن بو بی پناهیلن
ایشیقلی آی اولی تابنده بیر ستاهیلن
منیم نه کاریم اولور آفتاب و ماهیلن
اگر منه باخاسان بیر دولی نگاهیلن
.
.
سنی بو چولده فلک جبریله آلور مندن
کیمه شکایت ایدوم بس جفای دشمندن
لباس عشقوی هرگز چیخاتمارام تندن
خدا نکرده اگر بیردم آیریلام سندن
جهانی اودلارام آیریلماموش بیر آهیلن
.
.
شکسته قلبیمی گل گل عمواوغلی بیر ائله شاد
عروس آدین منه قویدون دیدون مبارک باد
غریبه گونلره قویدون منی ایوین آباد
مزیّن ایلموسن حجله گاهی سن داماد
بو طلعت و بو جلال و جمال و جاهیلن
.
.
سنون یولون بولورم روضۀ جنان یولیدور
ولی منیم یولوم عالمده امتحان یولیدور
دئمم که گیتمه بو یول قورخولقدى قان یولیدور
بو یول که سن گیدوسن اکبر جوان یولیدور
شهادته یتوشورسن بو شاهراهیلن
.
.
گدای عشقیوم عشّاق ایچینده سن سلطان
بو عشقله گیدرم چکسه هر یره دونان
ولیک قلبیمی سوزان ایدر غم هجران
ضعیف ذرّجه کاهم فراق کوه گران
نه نوعی چکمک اولور بار کوهی کاهیلن
.
.
بو قوم روسیهین وار جفایه تعجیلی
یتر حرملره هر آن جفای تکمیلی
وورالّا بیزلره سیزدن صورا عدو سیلی
یوزیمه سیلی ووروب شمر دون ائدر نیلی
دیر که ای گور نور لکه سیاهیلسن
.
.
گرک سنی ایلیدیم گلن زمان پیشواز
بغیشله گلماقوی بولمدیم ائدم اعزاز
اودور که منله دانشمورسان ای عزیز حجاز
بُیور گوروم منه قهر ایلوسن و یا کیمه ناز
که ضعت ایدر اور گیم قویما اشتباهیلن
.
.
(حسنی) بو سوزی یازموش او مرد عالمدور
زبان حالیدی کلکون سنون مترجمدور
حسین قاپوندا دخیل اولموشام دئمه کیمدور
دخیلی قووما قاپوندان اگرچه مجرمدور
کریم سائلى ردّ ایلمز گناهیلن
.
.
.
#قاسمیه #حسنی_تبریزی
#قاسمیه_شهادت #دخیل
#عم_اوغلی_قلبیمی_یاندرما_سوز_آهیلن
#منیم_نه_کاریم_اولور_آفتاب_و_ماهیلن
#ترکی
.
✍️ #زبدةالاشعار ✍️
.
🆔: @nohe_torki
نظر دهید