#حیف_اولسون …
زبانحال حضرت زهرا سلام الله علیها
.
.
.
#سبک_علی_اصغر_مه_انور … (بیش از 7 سبک سینه و زنجیر) منیم ای تشنه قربانیم … بزن بر سینه و بر سر … ئوزوم گوردوم … حسین تعجیلیلن گیتمه … خداوندا الیم بوشدی …
.
.
هدایتی تبریزی
.
عم اوغلی کشتی عمروم دوشوب طوفانه حیف اولسون
بلا یاغدی دونوب اولدی بو ایو غمخانه حیف اولسون
.
.
منه چوخ حرمت ایلردی حیاتنده بابام طاها
دئیردی نور چشمیم سن جگر پارم قزیم زهرا
چکردی نازیمی سویلردی طوبی فاطمه طوبا
تاپوب دور انحنا قدّیم دونوب چوگانه حیف اولسون
.
.
سن ای سلطان دین مهر و وفا ملکونده سلطان سان
حریم عشقده تاج سریم سن شاه خوبان سان
وقاریم ، شوکتیم ، شانیم ، بو خسته جسمیمه جان سان
دوشوب دور تنگه جان اوللام دچار هجرانه حیف اولسون
.
.
عجب خوش طالع ام اولدوم سنه هم کفّ و هم پیمان
گونوم گوندن خوش اولدی هر قدر دور ایلدی دوران
اولوب سرلوحه میز هر بیر عمل ده آیهء قرآن
اجل غدّاره سیله قطع اولان پیمانه حیف اولسون
.
.
سقیفه فتنه سی سالدی شرر بو قلب سوزانه
سریر دین ده اگلشدی امور دینه بیگانه
منافق پشت پا ووردی قرار و عهد و پیمانه
اولوب یول کج ، گیدیب امّت ره شیطانه حیف اولسون
.
.
ائدردیم ذکر معبودی گجه گوندوز ارادتدن
یورولدوم نه ، نه ده دویدوم خداونده عبادتدن
عبادت لذّتین آلدیم چکلدیم اوزگه لذّتدن
ولی دنیای دون اولدی منه بیگانه حیف اولسون
.
.
تلاش ایتدیم سنی راضی سالام بو طول وصلت ده
قصوریم اولمادی ذرّه محبت ده مودّت ده
منی عفو ایله گر اولسا قصوریم حسن خدمت ده
دولوب پیمانهء عمروم یتوب پایانه حیف اولسون
.
.
اورک سیر اولمادی عمروم بویی سندن زیارت دن
وجودوم گیتدی تحلیله ولی دولدوم محبّت دن
سنه خدمت فضیلت دی گئچم حاشا فضیلت دن
مریض عشقوم چاتمور الیم درمانه حیف اولسون
.
.
سن ای یعسوب دین هر بیر عمل ده خلقه میزان سان
گرفتار اولموسان اهریمنه لیکن سلیمان سان
گرک دور جان دئیم هر سوز باشی آخر منه جان سان
تعدّی ایتدی امّت سن کیمی سلطانه حیف اولسون
.
.
شریعت کروانی بیراهیه گیتدی طریقت دن
طریقت ایت دی ، خلق الله عدول ایتدی شریعت دن
هلاکت ویل نه دوشدی چخان راه سعادت دن
گوروب دین پایه سی آسیب ، اولور ویرانه حیف اولسون
.
.
نه تئز انصار پیغمبر چکوب ال استقامت دن
ایدیللر امتناع آل عبایه استعانت دن
امانت چخدی یادلاردان حمایت یوخ امانت دن
یانور قلبیم گوزوم یاشی آخور دامانه حیف اولسون
.
.
پریشانم چخیر ناله سپهره بند بندیمدن
نحیف اولدوم شَبه قالمش جمال دلپسندیمدن
عزیز جانیم آگه سن بلای چون و چندیمدن
دولاندی بو گئنیش دنیا منه زندانه حیف اولسون
.
.
بابام گیتدی ، باباملا حرمت نان و نمک گیتدی
چاتوب غاصب لره فرصت جفائیله فدک گیتدی
فنایه ظاهرا شان و جلالیم تک به تک گیتدی
فلک ده اولمادی راضی چاتاق سامانه حیف اولسون
.
.
سن ای صدّیق اکبر جانشین پاک طاها سن
عیوب و رجس و غفلت دن ، کدورت دن مبرّادسن
امیر ملک تقوی سن علی سن ، عشقیم اعلاسن
وورولدی پشت پا سن تک گل رضوانه حیف اولسون
.
.
بش اون گون ده وفا رسمی پوزولدی رای لر دوندی
کسوفه دوشدو دین مهری چراغ معرفت سوندی
زمانین گردشی چوندی امید و آرمان چوندی
خرفت اگلشدی منبرده قالوب فرزانه حیف اولسون
.
.
بلا حکمون قضا وئردی بلا طرحین قدر چکدی
وورولدی ظلم اودی درگاهیمه ، یاندی شرر چکدی
در و دیواری کیم گورسه بیلر زهراء نه لر چکدی
اوزوم گوردوم خطر ، سینم بویاندی قانه حیف اولسون
.
.
تهاجم اولدو درک ایتدیم طغاتی آستانم ده
فشاراتی گوروب دوشدوم یخلدیم صحن خانم ده
ایا فضّه خذینی ذکری ، ذکر اولدو ترانم ده
بالام محسن شهید اولدو گل رضوانه حیف اولسون
.
.
اوجالدی ناله لر ایمن ایویم دارالبلا اولدو
حریم امن ده جانیم بلایه آشنا اولدو
خطالی ال خطا ایتدی سوزوم وا غربتا اولدو
یخلدیم غشّ ائدیب دوشدوم در احسانه حیف اولسون
.
.
جفاکارین سوزی اجرا اولوب قرآن ایاقلاندی
غدیر خم دا باغلانمش قوی پیمان ایاقلاندی
خدا حکم ایلین فرمان چخوب یاددان ایاقلاندی
تعدّی ایتدی امّت عترت و قرآنه حیف اولسون
.
.
منیم سینم یارالاندی سنین ده حرمتین سندی
طنابه باغلاناندا قوللارین شخصیّتین سندی
گران گلدی منه گوردوم سنین حیثیّتین سندی
اسیر اولدون عزیزیم فرقهء دونانه حیف اولسون
.
.
سنی من منزله چکدیم عدو ده کوچیه چکدی
گوروب ایثاریمی طاغی اشاره کینیه چکدی
الینده هیزم سوزانی قنفذ صحنیه چکدی
قولوم سست اولدو غشّ ایتدیم بیله حرمانه حیف اولسون
.
.
چکلدین مسجده من ده دالنجا باغری قان گلدیم
گران صحنیدی چوخ حالی پریشان ناگران گلدیم
یارالی سینه مین قانی آخوردی خون چکان گلدیم
طنابه باغلانوب گوردوم ید شیرانه حیف اولسون
.
.
ال آتدیم معجره ناگه دولاندی مجلسین حالی
دگوب دور بیربیره مسجد پوزولدی خلقین احوالی
دیدم ایوای که ادنانون گرفتاری اولوب عالی
اولوب دانا گرفتار ابله و نادانه حیف اولسون
.
.
گوروب غاصب که مقرون بلادور بخت و اقبالی
دئدی آزاد ائدین گئتسین بو میر عالی افعالی
اوزون گوردون که سنمش دی بو مرغ عشق وین بالی
نه جان نه یاده دوشدی دانه و نه لانه حیف اولسون
.
.
دولاندیم باشوه تن ده نه قدری واریدور طاقت
قوتاردی طاقتیم ، سندن محال امر ایلیم غفلت
یتوب عمروم باشا قالمور او قدری ایلیم رحلت
منه نوحه دی آغلا ، دی بئله قربانه حیف اولسون
.
.
متن مرتبط: #عم_اوغلی_عالم_وصلت_یتور_پایانه_حیف_اولسون از #گلشنی_تبریزی
.
#فاطمیه_شهادت
#عم_اوغلی_کشتی_عمروم_دوشوب_طوفانه_حیف_اولسون
#هدایت_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید