زبدةالاشعار

عم اوغلی گیتمه کناره منیم کناریمدن #فاطمیه_لاادری

زبانحال حضرت زهرا سلام الله علیها
.
✍️ #زبدةالاشعار ✍️
.
🆔: @nohe_torki
.
شاعر ؟؟؟
.
عم اوغلی گیتمه کناره منیم کناریمدن
چوخ آز زمان قالوری عمر مستعاریمدن
.
منه یقیندی یتوب غملو گونلریم باشه
سنه عیاندی سوزوم حال احتضاریمدن
.
بلالی باشیمی آل لطفیله دیزون اوسته
سرشک آلیمی سیل چشم اشکباریمدن
.
گوزوم یوزونده عم اوغلی باشیم دیزون اوسته
بو غملو وقتی اولوم شاد بو نظاریمدن
.
بو مدتی که ئوزوم بستری مریضم من
سیزیلتیم عرشه چخوب بو دل فکاریمدن
.
دویوب حیاتیمدن، ئوز مرگیم گئجه گوندوز
اورکدن ایستمیشم حی کردگاریمدن
.
یتشموشم من او مقصوده آز قالور روحیم
کسه علاقه سینی بو تن نزاریمدن
.
عم اوغلی ایستورم آخر نفسده عرض ایلیم
حضور پاکوه ایام ناگواریمدن
.
چکنده مسجده ثانی سنی قولی باغلی
دیمه مضایقه ایتدیم ئوز انتصاریمدن
.
باشاردیقیم قدری ایلدیم کمک لیق او گون
سنون یولوندا من ال چکدیم ئوز وقاریمدن
.
ئوز اختیاریمیله ال گتورمدیم سندن
ئوزون که مطلع اولدون مآل کاریمدن
.
او قدر ووردی منه تازیانه ، قنفذ دون
عنان صبرْ منیم چخدی اختیاریمدن
.
عم اوغلی آیریلیق هنگامیدور داخی ئولورم
بو گون الیم اوزولور سندن، اهل داریمدن
.
عمل ایله او وصیتلری که ایلمیشم
مباد اینجیه سن رنج بی شماریمدن
.
گئجیله قیل منه غسل و کفن گئجه وقتی
مزاره قوی بابامی قورتار انتظاریمدن
.
منی گر ایستسه گوگلون مزاریم اوسته گل
حسینه ده دی ایاق چکمسون مزاریمدن
.
چمنده گورسن اگر بیر گلی سولوب سارالوب
منیمده یادیمه سال بو سولان عذاریمدن
.
او داغ دلْ دگی، لاله آلوب اورک باشینا
او بیر نشانه دی بو قلب داغداریمدن
.
بنفشه بی سبب اولموبدی سر به دوش و غمین
اونا موثر اولوب درد و انکساریمدن
.
او اهل دل که گورر قبریمی منیم گیزلین
اولار که حالی اولا درد آشکاریمدن
.
بیر عمر من سنه راحتلیقی حرام ایلدیم
صباح و شام چخان عرشه آه و زاریمدن
.
او حالیمین سببین آلموسان خبر مندن
دیمه میشم واریدی عذریم اختباریمدن
.
چون ایستمزدیم اولا خاطرون ملول و غمین
بولونمین محن و تیره روزگاریمدن
.
سیزیلدادوب منی چوخ آغلادان یقین بوله سن
ویرنده غسلیمی بو صدر زخمداریمدن
.
.
.
#فاطمیه_شهادت
#عم_اوغلی_گیتمه_کناره_منیم_کناریمدن
#لاادری
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ائدوبدی ربّ جهان لطف بی کران ننیه #مادر_علیوی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی