زبدةالاشعار

عهدیمه آخر بو عالمده وفا ائتدیم حسین #اربعین_محمدرضاصادقی

اربعین
.
✍️ زبدة الاشعار ✍️
.
🆔: @nohe_torki
.
محمدرضا صادقی (شیدا) (1)
.
عهدیمه آخر بو عالمده وفا ائتدیم حسین
شامی گزدیم چون ، هوای کربلا ائتدیم حسین
.
باغلامیشدیم سنله بیر پیمانی من روز ازل
عهدیم اوسته من قبول ابتلا ائتدیم حسین
.
سو کنارینده که سن جان وئردون عاشورا گونی
منده سیل اشکیله طوفان بپا ائتدیم حسین
.
ایستدیم پاینده قالسون حشره تک دین پرچمین
باشدا چتر آهیمی منده لوا ائتدیم حسین
.
قانلی نعشین من کنارینده یومان گون سن گوزون
من اورکدن عُقده نی اشکیله وا ائتدیم حسین
.
اولدی بیگانه منیله شهر کوفه بیر زمان
یاد ایام و زمان آشنا ائتدیم حسین
.
من فصاحتده علی تک شانیده چون فاطمه
صحبتیمده مرتضا تک سوز ادا ائتدیم حسین
.
سسلدیم ساکت اولون ، اولدی جرسلرده خموش
تا دانشدیم ، زنده نام مرتضا ائتدیم حسین
.
من دانیشدوقجا جماعت مرتضانی گوردولر
کوفه نی فی الجمله شهر لافتا ائتدیم حسین
.
وار گلایم دوزدی قارداش مجلس اوباشیدن
کیمسه بولمور مجلسی بیر تنگنا ائتدیم حسین
.
اوزلیقدان چیخدی مست اولدی زیاد اوغلی ولی
من اونی زینب غروریلن صدا ائتدیم حسین
.
من دئدیم ای زاده مرجانه شرم ایله بیرآز
آشکارا سوز دئماقلیقدان حیا ائتدیم حسین
.
شامیده قارداش ایشیق گون شام تار اولدی بیزه
هر گئجه قیلدیم نماز شب دعا ائتدیم حسین
.
منزلیم ویرانه اولدی ، نطقیمون الطافینه
کاخ عشقی من اورکلرده بنا ائتدیم حسین
.
ووردی اود یاندیردی هستی خرمنین بزم یزید
حقدن اول یرده کمکلیق التجا ائتدیم حسین
.
تا دئدی اوز مُلک و مالیندن وقاحتله یزید
چاتدی تا نوبت منه حقّه ثنا ائتدیم حسین
.
من دئدیم الله سنه بو مّلک و مالی وئرمیوب
بیر بیریندن باطل و حقّی جّدا ائتدیم حسین
.
بیر قیزون غربتده اما وئردی جان جانانینه
مدفنین من گوشه ویرانسرا ائتدیم حسین
.
تا خلاص اولدی اسیران حجازی حصردن
من حزین صوتیله قصد نینوا ائتدیم حسین
.
گلدیم اما عفو ایله بو تربت پاکینده من
شِکوَه از دور و زمانِ بی وفا ائتدیم حسین
.
ایلدیم سیراب کیم جام ولایت ایستدی
خوندله بیر جرعه اول میدن عطا ائتدیم حسین
.
چون دوباره خوندلین تکرار ائدوب « شیدا » سوزون
لطف ائدوب منده ، اونی اهل ولا ائتدیم حسین
ـــــــــــ
(1) ترجمه اربعین (فارسی) مرحوم حاج حیدر خوندل ( ره )
#من_به_عهد_خود_در_این_عالم_وفا_کردم_حسین
.
.
#اربعین
#عهدیمه_آخر_بو_عالمده_وفا_ائتدیم_حسین
#محمدرضاصادقی
#ترکی
.
.
✍️ #زبدةالاشعار ✍️
.
🆔: @nohe_torki

متن پیشنهادی:  گل باجی گل دایانما میداندا قان توکوللر #عباسیه_حسین_ساکت

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی