زبدةالاشعار

عشاقه مشق عشقیدی طومار کربلا #کربلا_قمری

بدرقه زائر کربلا
.
.
مرحوم قمری
.
.
عُشّاقه مشق عشقیدی طومار کربلا
اهل مَذاقه گرمیدی بازار کربلا
.
چوخ ذوقیلن صفاسی عجب خوش هواسی وار
گللر آچوب بهاریدی گلزار کربلا
.
عبرتله هر کیم ائتسه تماشا یقین گورر
قیلمش احاطه عالمی انوار کربلا
.
هر گلستاندا نغمۀ بلبل صباح و شام
بیجا عبث دَگول چکیلور جار کربلا
.
هانسی چمن او روضه کیمی لاله زار دور
قاندان حنا یاخوب در و دیوار کربلا
.
چشم بصیرت آچسا نمایاندور هر کسه
آماده دور او دشتده دیوار کربلا
.
نهر فراتون اوسته آچوب ایندیده علم
عباس نامدار او علمدار کربلا
.
نازیله قتلگهده یاتوب اکبر جوان
جسمنده زخم خنجر خونخوار کربلا
.
حسرتدی ایندیده باخوری طوی اتاقینه
ناکام ئولن او قاسم سردار کربلا
.
حلقیندن اصغرون گینه قانی کسیلمیوب
چخمش سمایه آه شرربار کربلا
.
یتمیش صحابه پیکری قان جسمی زخمدار
گوزلَــلَّه تشنه لب ره زوّار کربلا
.
باطنده قرخ نفر قولی باغلی اسیر لر
هر کیم گوروبدی لذت دیدار کربلا
.
«قمری» کیمی فغانه گلوب کو حسین دیر
گویا او چولده عابد بیمار کربلا
.

متن پیشنهادی:  اولدی سبب اوز عدلی علی تاپدی شهادت #حیدریه_سعدی_زمان

#کربلا
#زائر_کربلا
#عشاقه_مشق_عشقیدی_طومار_کربلا
#قمری
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی