زبانحال حضرت زهرا (س) در بستر بیماری با مولای متقیان (ع)
.
✍️ #زبدةالاشعار ✍️
.
🆔: @nohe_torki
.
#مصیبی_تبریزی
.
غبار غم قونوبدور یا علی گیسوی زهرایه
شکنج زلفیمه ابر عداوت گستروب سایه
.
اسَن باد صبادن تئل به تئل منظوم اولان گیسو
سقیفه ظلمینون صرصر یئلیندن گئتدی یغمایه
.
نه وار قوت قولومدا زینبین زلفین ائدم شانه
نه وار یارا دیزیمده،یوز قویام من کوه وصحرایه
.
دیوللر سوز آهیمدن اوشاقلاردا صوداممولر
شماتت اهلی زهرادن بونوع ایلول لَه شکوایه
.
وروبدور دشمنیم قمچی بابام بوسه ووران یئردن
دگوب سیلی منه ، ردّی دوشوب عرش معلایه
.
قانادسیز بیر قوشاگور نیلیوب صیّادبی وجدان
دؤیوب ئوز آشیانینده قاتوب غوغانی غوغایه
.
لگدباب ولادن ووردیلار ،مسمار ایشین گورسون
صدف بطنینده سینسین ضربه دن دُرّ گرانمایه
.
چاغوردیم فضّه نی امدادیمه؛گل غنچم اودلاندی
گلینجه ، اود زبانه چکدی اول گلبرگ حمرایه
.
علی جان راضی اولمازدیم باشیندان بیرتوک اسگیلسین
بو امره هم ئوزوم هم محسنیم دوشدوخ بلایایه
.
فغان و داد او دمدن اللرین بند طناب اولدی
ولیُ اللّهی چکدی بیعته بیر مرد دون مایه
.
طنابیلن چکیلدون سن یوز اوسته دار بوبکره
منافق پیشه امّت هامّوسی دوردی تماشایه
.
اولوب همدست و هم پیمان مغیره ، ثانی و قنفذ
بیری سیندیردی پهلومی بیری امر ائتدی اعدایه؛
.
اودون حاضرلیوب یاندیردیلار درگاه طاهانی
یانوب درگاهیمیز چکدی زبانه عرش اعلایه
.
قولوم سیندی،اگرباشیمده سینسیدی غم ائتمزدیم
سنون باشین صاق اولسون تا ، ولا گلسین تجلّایه
.
گویرمیش یوزگوزوم بو مطلبه شاهددی آنداولسون
کی سن تک گلمیوب مظلوم گلمز دار دنیایه
.
بو دؤزدی درگهیم یاندی گولومده آچمامیش صولدی
ولیکن آیری بیر نیسگیل سالوبدور قلبیمه سایه
.
علی دردیم بودور ؛ باغ ولایت اود دوتان دمده
نه گوردوم ؛ باغبان قهراً اوتورمیشدی تماشایه
.
چاتاندا سوز بورا ، گوز یاشینی مولا روان ائتدی
ئورک سرّین بو نوعی دخت طاهایه بیان ائتدی
.
علی نی آغلیوب آغلاتما ای شمع حرمخانه
گوزومده فاطمه دوندرمه اشک محنتی قانه
.
بو دؤزدی درگهون یاندیردیلار حیدر اولان یئرده
سن اود دوتدون،بالان یاندی،علی باخدی یانا یانه
.
یاناندا باغ امّا ؛ باغباندا اود دوتوب یاندی
منیمده سینم اودلاندی همان بیر نار سوزانه
.
بیلورسن مرتضانین کیم ائوین ییخدی؛همان کس کی
بابان پیغمبری نسبت وئروب گفتار هذیانه
.
همان ملعون او دم کی باب ایمانه لگد ووردی
بیلوردی جان پیغمبر دوروب پشتِ درِ خانه
.
او لحظه یادیمه دوشدی بابان پیغمبرین امری
بیلورسن کی عدول ائتمز علی بیر ایله فرمانه
.
وقار دینه خاطر ذوالفقاری منده گیزلئتدیم
و گر نه شهر یثربدن قالاردی تلّ و ویرانه
.
سنیدون مرتضانین هم جانی هم حافظ جانی
علی نین دردی سنسیز یتمیوب یتمزدی درمانه
.
خجالت دور عم اوغلون گرچه دنیالر بویی سندن
ولی یوز دوتما مندن آشنایم یوخ کی بیگانه
.
گوزون قربانیَم زهرا گوزوندن حیدری آتما
منی قویما قالیم تنها بو حسرتده یانا یانه
.
پریشان زینبین زلفین دوتوب گرد وغبار غم
داهی کیمسه وورار شانه همان زلف پریشانه
.
دوتوبدی بغض مولانی یانیقلی سوز قالوب دیلده
عذاره سیل اولان گوزیاشلاری رشک ائتدی بارانه
.
بو اثناده آپاردی بیر الین زهرای مرضیه
سیلوبدور مرتضانین گوزیاشین گوزدن غریبانه
.
سیلن گوز یاشلارین قهراً چکوبدور سینیه زهرا
یارالی سینه ده قانیله گوزیاش اولدی همخانه
.
شکسته گویلیلر بیر دفعه ده توش اولدی حسرتلن
سرشک غم اولوب سیلاب عذار عندلیبانه
.
«مصیّب» سائلانه باب آل اللهه گوز تیکمیش
گدا اخلاصیلن گلسه اولار تکریمی شاهانه
.
.
#فاطمیه_شهادت
#غبار_غم_قونوبدور_یا_علی_گیسوی_زهرایه
#ترکی
.
✍️ #زبدةالاشعار ✍️
.
🆔: @nohe_torki
نظر دهید