شهادت حضرت موسی بن جعفر(ع)
.
✍️ #زبدةالاشعار ✍️
.
🆔: @nohe_torki
.
حاج محمد گلشنی
.
غریب و باغریقان ایوای آقام وای
وئرن زنداندا جان ایوای آقام وای
.
.
اولوم قربان او آغلار گوزلریوه
او نسگلّی یانقلی سوزلریوه
اولوم او اللره قربان که دائم
ووراردون حلقه غم دیزلریوه
.
اولوم او گونلره قربان که گچدی
گونون گوندن یامان ایوای آقام وای
.
.
.
امان حکّام خونخوارون الیندن
لعین و پست و بیعارون الیندن
امان هارونیدن، احکامین اجرا
ایدن سند ستمکارون الیندن
.
گلنده سند زندانه دیردی
زمین و آسمان ایوای آقام وای
.
.
.
وئرر آخشام غریبه غم یوز آغلار
قویار حسرتله دیواره یوز آغلار
تانورام بیر غریبی آغلاماقدان
یورولماز هم گجه هم گوندوز آغلار
.
اونون دردین سالوب یاده دیولّر
ئولونجه شیعیان ایوای آقایم وای
.
.
.
غریب آهو کیمی دوشدی کمنده
غریبی چکدیلر زنداندا بنده
غریبون کیم باشی اوسته آچار باش
اوخور قرآن گوزون باغلار ئولنده
.
نه گلدی دادینه بیر کس نه اولدی
گوزونی باغلیان ایوای آقایم وای
.
.
.
غریبون من ایشتدیم آغلاماسین
ایدوردی ناله سسلردی آناسین
اریتمشدی ایله زنداندا باخدیم
اوزونی گورمه دیم گوردیم عباسین
.
اونی زندان ایله احواله سالدى
و یا زندان بان ایوای آقایم وای
.
.
.
خطای سندیله پوچ اولدی جانی
فقط بیر قالدی شکل و استخوانی
نه چکدی اون بیر ایلده فاش ایدردی
دلی اولسیدی زنجیر و عبانون
.
بو قدری وار اونا مین دوت یوز ایلدور
دیر صاحب زمان ایوای آقایم وای
.
.
.
یاغش یاغدی سئل اولدی دریا داشدی
قضائیله قدر درده یول آشدی
غریب دوردی قیلا آخر نمازین
ایاقدا کونده زنجیره دولاشدی
.
ایاقدا کونده سی بوینوندا زنجیر
وئرن زنداندا جان ایوای آقایم وای
.
.
.
قنادسیز قوش ایدوب پرواز اوچانماز
ایاقی باغلی زنداندان قاچانماز
داراش یرده چتیندور جان کنشلق
ئولن چون قدّینی راحت آچانماز
.
داراش یرده وئرن جان قبر ایوینه
گیدن قدّی کمان ایوای آقایم وای
.
.
.
بو تابوت اوستونه پوزقون دوشوب آی
کیمون بو نعشدور ای وای ایوای
بوعورت کیمدی تابوتون دالنجا
یانایانه دیور ایوای اوغول وای
.
حدیث غربتی زهرا آناسین
گوزی یاشلی قویان ایوای آقایم وای
.
.
.
فضا بیر مرغ خونین بال آپاردی
نگاره یارینی خوشحال آپاردی
اوزوم گوردوم که بیر زندان غریبین
مزاره دورت نفر حمّال آپاردی
.
گوروب هر کیمسه تشییعون او حالدا
یقین آغلاردى قان ایوای آقایم وای
.
.
.
اولاندا «گلشنی» قلبون مُکدّر
فضای گویلووی ایله مُعطّر
یوزوی دوت دیار کاظمینه
اورکدن سسله یا موسی بن جعفر
.
بو ابیاتی بیان ایله مکرر
غریب و باغریقان ایوای آقام وای
وئرن زنداندا جان ایوای آقام وای
.
.
#کاظمیه_گلشنی
#کاظمیه_شهادت
#غریب_و_باغریقان_ایوای_آقام_وای
#ترکی
.
✍️ #زبدةالاشعار ✍️
.
🆔: @nohe_torki
نظر دهید